// இஸ்லாமியர்களாக மதம் மாறிய பிறகும், இந்துக் களைப் போலவே அவர்களும் பேயை நம்புகிறார்கள்; சூனியக்காரியை நம்புகிறார்கள். அவளுடைய சம்மதத் தின் பேரில், ஏதும் அறியாத 10 அகவை ஆயிஷா என்கிற பெண்ணை ஒரு புதைகுழிக்கு முன் உயிர்ப் பலி கொடுத்துவிட்டார்கள். //
---------------------

நரபலியை தடுத்து நிறுத்திய தியாகப் பெருநாள்:

தியாகப் பெருநாளின் முக்கியத்துவம் பற்றி பேசும்பொழுது "ஒரு பக்தனின் பக்தியை சோதிக்க அவனுடைய பிஞ்சுக்குழந்தையை பலியிடுமாறு உங்களுடைய அளவற்ற அருளாளனும் நிகரற்ற கருணையாளனுமான அல்லாஹ் கட்டளையிடுகிறானே.... இவ்வளவு ஈவு இரக்கமற்ற நரபலி கேட்கும் கடவுள் தேவையா?.

"அல்லாஹ்வின் பெயரால் ஆட்டை அறுத்து சாப்பிட்டுவிட்டால் பெரிய தியாகமாகி விடுமா?. தியாகம் செய்தது ஆடு. ஆனால் அதை சாப்பிட்ட பாய் தியாகியா?. நால்லாருக்கு பாய் ஒங்க நியாயம்" என எனது ப்ராஹ்மின் நண்பர் நக்கலடிக்கிறார்..
------------------------------------------

தெளிவு: (சத்திய மார்க்கம்.காம்)

இணை தெய்வங்களுக்கு நரபலி கொடுப்பது எல்லாக் காலத்திலும் நிகழ்ந்திருக்கின்றன. இன்றும் நரபலி பற்றிய நிகழ்வுகள் அங்கொன்றும், இங்கொன்றுமாக நடந்தேறி வருவதாக ஊடகத் செய்திகளில் வாசிக்கிறோம். இறுதி வேதம் குர்ஆன் அருளப்பட்டுக் கொண்டிருந்த காலகட்டத்திலும் நரபலிகள் கொடுக்கப்பட்டன. நரபலியைக் கண்டித்து அருளப்பட்ட வசனம்:

"இவ்வாறே இணைவைப்போரில் அதிகமானோருக்கு, தமது குழந்தைகளைக் கொலை செய்வதை (நன்மை போல்) அவர்களது இணை தெய்வங்கள் அலங்கரித்துக் காட்டின. இது அவர்களை அழிவுக்குட்படுத்துவதற்கும் அவர்களுடைய மார்க்கத்தை அவர்களுக்குக் குழப்புவதற்குமேயாகும்..." (அல்குர்ஆன் 006:137).

"அறிவில்லாமல் மடத்தனமாகத் தமது குழந்தைகளைக் கொலை செய்தவர்களும்..." (அல்குர்ஆன் 006:140)

அரபியர்களின் பல தெய்வக் கொள்கையைப் பற்றிக் குர்ஆனில் பல வசனங்கள் அறிவிக்கின்றன. இணை தெய்வங்கள் மீது அவர்கள் கொண்டிருந்த பக்தியானது, அவர்களின் ஆண் குழந்தைகளை அவற்றிற்காக நரபலி கொடுத்திடவும் அவர்களைத் தூண்டியது. அவர்களின் இந்தச் சீர்கேடுகளையும், குழப்பங்களையும் பற்றித்தான் குர்ஆன் ஆறாவது அத்தியாயத்தின் 136-140 வசனங்களில் சுட்டிக்காட்டப்படுகின்றன. இஸ்லாம் நரபலியை ஒரு போதும் அங்கீகரிக்கவில்லை. மாறாக, நரபலியைக் கொலை என்றே உறுதிப்படுத்துகின்றது.
--------------------------

மடமை இருளில் வாழ்ந்த காட்டரபிகள் அல்லாஹ்வின் பெயராலும் இஷ்ட தெய்வங்களின் பெயராலும் நரபலி கொடுத்து வந்தனர். பல இறைத்தூதர்கள் மூலம் அல்லாஹ் இந்த கொடூர செயலை கண்டித்தான். ஆனால் அந்த மூடர்கள் கேட்கவில்லை. இறுதியாக நபி இப்ராஹிம் (அலை) மூலம் மனித இனத்துக்கு "நரபலி தடுக்கப்பட்டது" எனும் நீதியை ஐயமின்றி உணர்த்த அல்லாஹ் முடிவு செய்தான்.

ஆகையால் நபி இப்ராஹிமின் புதல்வர் இஸ்மாயில் அவர்களை நரபலி கொடுக்க அல்லாஹ் கட்டளையிட்டான். இந்த கட்டளையை கேட்ட நபி இப்ராஹிம் அவர்கள் "நரபலி தடுக்கப்பட்டது என உரைக்கும் அல்லாஹ் நரபலி கொடுக்க கட்டளையிடுகிறானே" என பிரமித்து போய்விட்டார். "நிச்சயமாக அல்லாஹ் நீதிமான். அவன் அநீதி செய்ய மாட்டான். இதில் நிச்சயமாக ஏதோ ஒரு படிப்பினை மறைந்துள்ளது" எனும் அசைக்க முடியாத நம்பிக்கை நபி இப்ராஹிம் அவர்களுக்கு இருந்தது. தனக்கு வந்த கட்டளை பற்றி தனது புதல்வர் இஸ்மாயில் அவர்களிடம் நபி இப்ராஹிம் எடுத்துரைத்தார். இஸ்மாயில் (அலை) அவர்கள் சிரித்துக் கொண்டே "அல்லாஹ்வின் கட்டளை என்றால் அதை நிறைவேற்ற என்ன தயக்கம்?. அப்படியே செய்யுங்கள்" என பதிலளித்தார்.

தனது மனதை திடப்படுத்திக்கொண்டு கத்தியால் மகனின் கழுத்தை நபி இப்ராஹிம் அறுத்தார், ஆனால் கழுத்து அறுபடவில்லை. அல்லாஹ் தடுத்து நிறுத்தினான். இதன் மூலம் "நரபலி தடுக்கப்பட்டது" எனும் நீதியை மனித இனத்துக்கு அல்லாஹ் அறிவித்தான்.

அதே சமயம், "அல்லாஹ்வுக்காக ஜிஹாத் எனும் அறப்போர் செய்து உயிரை தியாகம் செய்ய ஒரு முஸ்லிம் எப்பொழுதும் தயாராக இருக்க வேண்டும். கோழையாக பயந்து ஓடக்கூடாது. கோழைக்கு சொர்க்கத்தில் இடமில்லை" எனும் நீதியையும் அல்லாஹ் மனிதகுலத்துக்கு உரைத்தான்.

"அல்லாஹ் ஒரு பொழுதும் அநீதி செய்ய மாட்டான். அநீதிக்கெதிராக ஜிஹாத் செய்து உயிர்த்தியாகம் செய்ய ஒரு முஸ்லிம் தயங்கக்கூடாது" எனும் படிப்பினையை இந்த தியாகப் பெருநாள் உரைக்கிறது.

அனைத்தையும் நன்கறிந்தவன் அல்லாஹ் ஒருவனே.