சாணிப்பால் சவுக்கடி என்று

மூர்க்கமாய் செயல்பட்ட அது

சுவரைக்கட்டுவது இடிப்பது

பாதையை மறிப்பது திறப்பதென்று

கண்ணாமூச்சி காட்டும் அது

தேங்காய் சிரட்டையை

டிஸ்போசபிள் கப்பாய் மாறுவதென

நவீனமாய் தொழிற்படுகிறது

ஏழுகடல் ஏழுமலை தாண்டி

ஏதோ ஒரு குகையில்

கூண்டுக்குள்ளிருக்கும் கிளிக்குள்

தன் உயிரை ஒளித்து வைத்திருக்கும் அசுரனைப்போல்

அகமனத்தில் தன் உயிர் இருப்பதாக

நம்பும் அது

தன் பெண்களின் யோனிகளுக்கு கவசமிட்டு

தன் குறி தீண்டித் திளைத்த

யோனிகளை நினைத்து அரற்றியபடி

அழுகி விழுந்த குறியை

கையிலெடுத்துக் கொண்டு அலைகிறது

யோனியைத் தேடி

- சக்தி அருளானந்தம்