எனை தயாரிக்கிறேன்

உனக்கான எழுத்துக்கள் மனக்குவளைக்குள்
ததும்பி தளும்பிக் கொண்டிருக்கின்றன
சொல்லாய் கோர்க்கும் வித்தையறியாது
சொற்பொழிவாற்றிக் கொண்டிருக்கிறேன் ஊருக்கு
சில நேரங்களில் நீ
சூரிய சிவப்பை இதழ்களில்
பூசிக்கொள்வதால்
சாம்பல் போர்த்திக்கொள்கின்றன
அந்த எழுத்துக்கள்
ஊதாங்குழலாய் இதழ் குவிப்பாயெனில்
உதிர்ந்து வீழலாம் சில
சேகரித்துக் கொண்டிரு அவற்றை
கோர்க்க எனைத் தயாரித்துக்
கொண்டு வருகிறேன்.