அண்மைப் படைப்புகள்

கீற்றில் தேட

திண்ணிய தத்துவ மேதை தில்லைவனம் மறைந்தார்!

17-1-2012 இரவு 7 மணி! ‘அப்பா இறந்துவிட்டார்?’ எனக் கைப்பேசியில் கூறிவிட்டுக் ‘கோ’ வெனக் கதறினார், துரைசித்தார்த்தன். அப்போது நான் புதுவையில் என்மகன் வெற்றியின் வீட்டிலிருந்தேன். எனக்குக் கையும் ஓடவில்லை; வாயும் பேச வரவில்லை. அய்ந்து மணித்துளிகள் கழித்து, என் குடும்ப உறுப்பினர்களுக்கும், சென்னை ப.வடிவேலுவுக்கும், திருச்சி இரா.கலியபெருமாளுக்கும் இத்துயரச் செய் தியை அறிவித்தேன். அவர்களும், தமிழேந்தியும் மற்றும் அயலகத்திலுள்ள தமிழ்நாடனும் எல்லோருக்கும் கைப்பேசி வழியாகக் குறுஞ்செய்தியை அனுப்பினர்.

மார்க்சியப் பெரியாரியப் பொதுவுடைமைக் கட்சியின் மூத்த துணைப் பொதுச் செயலாளர்-செயல்வீரர் து.தில்லைவனம் அவர்கள் திடுமென மறைந்தார் என்ற செய்தி, கட்சித் தோழர்கள் அனைவரையும் ஓர் உலுக்கு உலுக்கி விட்டது. அவர்கள் காட்டுமன்னார்கோயிலில் குவிந்தனர். வீரவணக்கம் செலுத்தினர்.

மறைந்த அப்பெருமகனார், 7-1-2012 சனி பிற்பகல் 3.15 மணிக்கு சென்னை பல்லாவரத்தில் நடைபெற்ற “மா.பெ.பொ.க. மாணவர்-இளைஞர் சுயமரியாதை, சமதர்ம மாநாட்டை”த் தொடங்கி வைத்து வீர உரையாற்றினார். பின்னும் பத்து நாள்களில் அவர் மறைந்துவிட்டார்.

thilaivanam_250தில்லைவனம் திண்ணிய தத்துவ மேதையாக விளங்கினார். அக்கொள்கைக் குன்றம் இன்று சாய்ந்துவிட்டது.

தில்லைவனம் முறையான வேளாண் பட்டப்படிப்புப் பெற்றவர் (B.Sc. Agri); ஆசிரியர் பட்டப் படிப்புப் பெற்றவர்; சுயமரியாதைச் சுடரொளியாகத் திகழ்ந்தவர்; தம் சிற்றப்பா வேலாயுதம், வீரானந்தபுரம் ஆசிரியர் ந.கணபதி, சின்னபுங்கனேரி கணபதி, மைத்துனர் புலவர் புங்கனேரியான் ஆகியோருடன் இணைந்து காட்டுமன்னார்குடிப் பகுதி முழுவதிலும் தந்தை பெரியாரின் கொள்கைகளைப் பரப்பிட அயராது உழைத்தவர்.

1952 முதல் நான் ஆண்டுக்கு இருதடவைகளேனும் வீரானந்தபுரம் ந.கணபதி வீட்டுக்குச் செல்வேன். தில்லைவனம் அங்குவந்து என்னுடன் மணிக்கணக்கில் அளவளாவுவார்.

1964 முதல் நான் நிரந்தரமாகத் திருச்சியில் தங்கினேன்; தனிப்பயிற்சிக் கல்லூரி நடத்தினேன். மாதம் ஒரு தடவையேனும் அங்குவந்து என் தொழிலுக்கு ஆக்கம் சேர்த்தார்; அஞ்சல்வழி வினாத்தாள் உருவாக்கும் பணிக்கு வழிவகை கூறினார்.

‘அண்ணி!’ என என் துணைவியார் சுசீலாவை வாய் நிரம்ப அழைத்த என் உற்ற தம்பி அவர்; என் மக்கள்பால் அன்பைப்பொழிவார். என் பள்ளியில் தங்கவரும் பெரியார் தொண்டர்களுடன் பெரியாரின் கொள்கை பற்றிக் கலந்துரையாடுவார்.

திருச்சி சிந்தனையாளர் கழகம் 7-3-1970இல் பெரியாரால் தொடங்கிவைக்கப்பட்டது. அதன் பொதுக்குழு, செயற்குழு மற்றும் நிகழ்ச்சிகளுக்குத் தவறாமல் வருகை தந்து துணைபுரிவார்.

“பெரியார் ஈ.வெ.ரா. சிந்தனைகள்” நூலுக்குரிய வற்றை எடுத்தெழுதும் பணியை ஆசிரியர்கள் ந.கணபதி, வே.காசிநாதன் இருவரிடமும் ஒப்படை செய்தேன். தில்லைவனம் அடிக்கடி திருச்சிக்கு வந்து அப்பணிக்கு ஊக்கம் அளித்தார்.

17-08-1974 இல், நான் திருச்சியில் “சிந்தனை யாளன்” கிழமை ஏட்டைத் தொடங்கினேன். தில்லை வனம், சின்னபுங்கனேரியான் இருவரும் முறையே கட்டுரைகள், சிறுகதைகள், கவிதைகள் எழுதியும், உறுப்பினர் கட்டணம் சேர்த்தளித்தும் ஆக்கம் தேடினர்.

வேளாண்மைச் சிக்கல்களைப் பற்றியும், அரசியல் நடப்புகளைப் பற்றியும் தோழர் தில்லைவனம் எழுதிய கட்டுரைகள், மற்றும் சுயமரியாதையை விளக்கியும், மூடநம்பிக்கை ஒழிப்பை வலியுறுத்தியும் அவர் எழுதிய சிறுகதைகள் படித்தோர் நெஞ்சங்களை அப்படியே பிணிக்கும் தன்மை வாய்ந்தவை.

“பெரியார் சமஉரிமைக் கழகம்” என்னும் பெயரில் மா.பெ.பொ.க. இயங்கியபோது, 23-3-1979 இல், புது தில்லியில், முதன்முதலாக நடத்தப்பட்ட பெரியார் நூற்றாண்டுவிழாப் பேரணியில் தம் இரண்டாவது மகள் மலர் வாலண்டினாவுடனும் மற்றும் தோழர் களுடனும் ஆர்வத்துடன் பங்கேற்றார். அன்று முதல் இந்தியா முழுவதிலும் சென்று வகுப்புவாரி உரிமைக் குப் பாடுபடும் முயற்சிக்கு எனக்குத் துணை நின்ற வர்களுள் சீர்காழி மா.முத்துச்சாமி, சேலம் எம். இராஜூ, சேலம் அ.சித்தய்யன் அரியலூர் ஆ.செ.தங்கவேலு, து.தில்லைவனம், சங்கமித்ரா ஆகியோர் ஆற்றிய பங்கு அளப்பரியது. அரசுக்கு, வகுப்புரிமை பற்றி எழுத வேண்டிய கோரிக்கை விண்ணப்பத்தை வடிவமைப் பதில் எனக்குப் பேருதவியாகத் திகழ்ந்தவர் தில்லைவனம்.

இவற்றுக்கிடையே, தம் மக்கள் முத்தொளி-கோவிந்தராசு; மலர் வாலண்டினா-பழநியாண்டி; நிலா-தருமலிங்கம், துரை சித்தார்த்தன்-செம்மலர் ஆகியோரின் வாழ்க்கை ஒப்பந்த விழாக்களை என் தலைமையிலேயே நடத்துவதில் ஒரே குறியாக இருந்தார். என்னைத் தோழனாகவும் தம் கொள்கைக் குடும்பத் தலைவனாகவும் மனமாரக் கருதினார்; அவர் தம் ஆருயிர் துணைவியார் தில்லைநாயகி அவர்களும் என்னை அப்படியே மதித்தார். இன்று, என்னைவிடப் பத்தாண்டுகள் இளையவரான என் உடன் பிறவாத் தம்பி தில்லைவனம் அவர்களை இழந்து ஆறாத் துயரில் இவர்கள் அமிழ்ந்துள்ளனர்; நான் கனத்த நெஞ்சோடு உலவுகிறேன்.

கொள்கைக்குன்றமாக நம் தில்லைவனம் விளங் கினார் என்பது மிகப்பெரிய உண்மை.

வரலாற்றுச் சிறப்புமிக்க தன்மையில், 1991 அக்டோபர் 17, 18, 19 மூன்று நாள்கள் புதுதில்லியில், மவ்லங்கர் மன்றத்தில் ஆறு மாநாடுகளை நடத்தி னோம். தாம் வரமுடியாத நிலையில், தம் துணைவி யார் தில்லைநாயகியையும், மருமகன் கோவிந்தரா சுவையும் அனுப்பி வைத்தார். 1993 மே திங்களில், பிற்படுத்தப்பட்டோருக்கான உரிமை உணர்வை வடபுலத்தில் விதைத்திட வே.ஆனைமுத்து, எம்.இராசு, சங்கமித்ரா, பாரதி-சங்கமித்ரா, து.தில்லைவனம், ஆவடி க.நாகராசன் இத்துணைபேரும் ஒரே நேரத் தில், 30 நாள்கள், புதுதில்லியில் ஒரு சத்திரத்தில் தங்கிக்கொண்டு அன்றாடம் குழுக்களாப் பிரிந்து சென்று-பீகார், உ.பி., அசாம், கருநாடகா, ஆந்திரா மாநிலங் களின் மாளிகைகளில் (State Houses) இருந்த அந்தந்த மாநிலத்தாரிடம் கொள்கைப் பரப்புரை செய்தோம். காலையிலும், இரவிலும் கோதுமை ரொட்டி (Bread)மட்டுமே எங்களின் உணவு. எல்லோரும் துறவிகள் போன்றே செயல்பட்டோம். அதை நினைத்தால் ஒரு பக்கம் வேதனையும், மறுபக்கம் சிரிப்பும் வரும்.

மீண்டும், 2001 இல் ஒரே குழுவினராக வே.ஆனை முத்து, சங்கமித்ரா, எம்.இராஜூ, து.தில்லைவனம், இரா.பச்சமலை, சி.பெரியசாமி ஆகிய ஆறு பேரும்-கடன்வாங்கிக் கொண்டு சென்று உத்தரப்பிரதேசத்தில் 30 நாள்கள் பயணம் செய்தோம். அங்கு முனைவர் து.மூர்த்தியின் முயற்சியில் பியாரிலால் லோதி, எச்.எஸ்.யாதவ், அரி சிங் மற்றும் பலரும் சேர்ந்து 31 மாவட்டங்களில் வகுப்புவாரி உரிமை முழக்கத்தை எழுப்பினோம்.

து.மூர்த்தி, சங்கமித்ரா இருவரும் இந்திமொழியில் முழக்கினர். நானும், இரா.பச்சமலை, து.தில்லைவனம், சி.பெரியசாமி ஆகியோரும் ஆங்கிலத்தில் உரை யாற்றினோம். எம் தோழர்களின் ஆங்கிலவழி உரை களை இந்திவழி உரைகளைக் கேட்டு எனக்கு மட்டிலா மகிழ்ச்சியும் பூரிப்பும் ஏற்பட்டன. நம் இயக்கக் கொள்கைகளை ஏந்திக் கொண்டு எங்கே வேண்டு மானாலும் சென்றிட ஏற்ற இளவல்கள் நமக்கு இருக் கிறார்கள் என அப்போதே நான் ஊக்கம் பெற்றேன். இப்படிப்பட்ட எங்களை விட்டுவிட்டு-மற்ற எல்லோ ரையும் விட்டுவிட்டு இன்று திலைவனம் மறைந்து விட்டார்.

நான் 22-01-2012 காலையில் எந்த நாற்காலியில் உட்கார்ந்து அழுதுகொண்டே இதை எழுதுகிறேனோ-அதற்கு இரண்டடிகள் தொலைவில் என்னுடன் அமர்ந்து கொண்டு 2003-2004இல் இரண்டாண்டுக் காலம் பெரியாரியம்-அம்பேத்கரியம்-மார்க்சியம் பற்றி மணிக் கணக்கில் கலந்துரையாடிய மாமனிதர் தில்லைவம். 10-10-2004இல் “பெரியாரியல்” நூலின் முன்னு ரையில் இதைப் பதிவு செய்துள்ளேன்.

திருவல்லிக்கேணி சிவ.இளங்கோ கட்டடத்தில் அறை எண்.19, 18 இவற்றிலும், சிந்தனையாளன் அலு வலகத்திலும் து.தில்லைவனம், புலவர் இரா.கலியமூர்த்தி, வே.ஆனைமுத்து மூவரும் பல மாதங்கள் அமர்ந்து “பெரியார் ஈ.வெ.ரா.சிந்தனைகள்” இரண்டாம் பதிப்புக்கான விரிவாக்கப் பணி, மெய்ப்புத் திருத்தும் பணி இவற்றை இரவு பகலாக மேற்கொண்டோம்.

இத்தொகுதிகளில் அச்சிடப்பட வேண்டிய அடிக் குறிப்புகளுக்கான தரவுகளைக் திரட்டிவரப் பல நூல கங்களுக்கும் அலைந்தவர் து.தில்லைவனம், அ.பெரியசாமி இருவரும் ஆவர். அதே பணிக்காக, திருமுதுகுன்றம் தமிழ்நகர் பல்லடம் மாணிக்கம் நூலகத்தில் வே.ஆனைமுத்து, து.தில்லைவனம், தமிழேந்தி, பாவலர் வையவன், தஞ்சை குப்பு. வீரமணி ஆகியோர் ஒரு கிழமை தங்கித் தரவுகளைத் திரட்டினோம்.

அத்தரவுகளையும், திருத்தப்பட்ட மெய்ப்புகளையும் இரண்டு பெரிய பைகளில் சுமந்து கொண்டு சென்னை நோக்கித் தில்லைவனம் வந்த பேருந்து ஓர் ஓடையில் கவிழ்ந்து, நீருக்குள் அவர் மூழ்கிவிட்டார். அப்போதும் மனக்கலக்கமின்றி, வெளியேறி, சேறுடன் அவற்றைத் தூக்கிவந்து ஒப்படைத்த கடமைவீரர் அவர்.

21-3-2010 இல் “பெரியார் ஈ.வெ.ரா. சிந்தனைகள்” நூல் வெளியிடப்படுகிற வரையில், ஓய்வின்றி உழைத்த உயர் பண்பினர் அவர். ஆ.முத்தமிழ்ச் செல்வனின் உழைப்புக்கு ஊக்கம் அளித்தவர் அவர். அவர் நிமிர்ந்தே உட்காருவார்; சிரித்துக் கொண்டே உரையாடுவார்; பேசுவோரின் நிலை அறிந்து பேசுவார்; நான் கடிந்து பேசினால், சற்றுப் பொறுத்திருந்து மிகமிக நயமாக எனக்கு விளக்கம் கூறி மகிழ்விப் பார்; கட்சி அலுவலகத்துக்கு வரும் தோழர்களோடு கலகலப்பாகப் பேசுவார்; கொள்கை பற்றிய சிக்கல்கள்-அய்யங்களுக்கு ஆழ்ந்த சிந்தனையுடன் அரிய விளக்கங்களை அள்ளித் தருவார்; மதிய உணவுக்குப்பின் சற்றே அயர்வார்; மற்ற நேரம் முழுவதும் மாய்ந்து மாய்ந்து உழைப்பார். உழைப்பும், ஆழ்ந்த சிந்தனையும், புன்முறுவலும், வெடிச் சிரிப்பும் அவருக்கு மட்டுமே உரிய சொத்துக்கள்.

20-11-2008 முதல் மூன்று ஆண்டுகளாக அதிக நடமாட்டம் குன்றிய போதும்-அவருடைய சிந்தனை யில் தடுமாற்றம் இல்லை. அரிய செய்திகளைக் கொண்ட கட்டுரைகளைத் தமிழிலும் ஆங்கிலத்திலும் எழுதித்தந்து எங்களை மலைக்க வைத்தார்.

ஆனால் இவருடைய உடல்நிலை கெட்டுப் போனதை அறிந்த இளைய அண்ணன் தெய்வசிகாமணி அன்று முதல் உணவு கொள்ள மறுத்தார்.

தம் இரண்டு தம்பிகளுக்கும் இந்தத் துன்பமான நிலைமை ஏற்பட்டுவிட்டதைக் தாங்கிக் கொள்ள முடியாமல் மூத்த அண்ணன் பழமலை 30-1-2009 இல் தன்னை மாய்த்துக் கொண்டார். இளைய அண்ணனும் 20-2-2009 இல் மறைந்தார். “இடும் பைகே கொள்கலம்” ஆன தோழர் தில்லைவனம், இப்பேரிழப்புகளை நெஞ்சுரத்துடன் தாங்கிக் கொண்டு செயல்பட்டார்.

இத்தகு அரிய பண்புகளின்-சீரிய செயல்களின் பெட்டகமாக நம்மிடையே நடமாடிய கொள்கைக் குன்றமாம் தில்லைவனம் சாய்ந்துவிட்டார்; தம் சிந்தனையை நிறுத்திக் கொண்டார். நம் எல்லோரிட மிருந்தும் விடை பெற்றுக் கொண்டார்.

மா.பெ.பொ.க. ஒரு மாபெரும் வழிகாட்டியை இழந்துவிட்டது; அன்னாரின் அன்புத் துணைவியாரும், மக்களும், மருமக்களும் தம் குடும்பத்தலைவரை இழந்துவிட்டனர்; நான் என் ஒருகையாக விளங்கிய தோழரை-என் உடன்பிறவா இளவலை இழந்து தவிக்கிறேன்.

நாம் ஒருவர்க்கொருவர் ஆறுதல் கூறுவோம். தில்லைவனம் விட்டுச் சென்ற பெரும் பணியை நாம் கூட்டாக நின்று தொடருவோம்.

மறைந்த மாமனிதர் தில்லைவனம் புகழ் ஓங்குக! ஓங்குக! என முழுங்குவோம் - வாரீர்!

Pin It

மார்க்சியப் பெரியாரியப் பொதுவுடைமைக் கட்சியின் நிறுவனர்களுள் ஒருவரும், கட்சியின் களப்பணியில் முன்னணியில் நின்ற ஆ.செ.தங்கவேலு அவர்களின் அன்புத் துணைவியார் மாரிமுத்தம்மாள் அவர்கள், தம் 89ஆம் அகவையில், 21-1-2012 சனி நண்பகல் 12 மணி அளவில் அரியலூர் தம் இல்லத்தில் மறைவுற்றார் என்பதை அறிவிக்க மிகவும் வருந்துகிறோம்.

அப்பெருமாட்டி அவர்களை 1948 முதல் அறிந்தவன் நான், அவரும், அவர் தம் ஆருயிர்க் கணவரும் அன்றில் பறவைகள் போல் ஒன்றிணைந்து வாழ்ந்த-எடுத்துக்காட்டான குடும்பத் தலைவர்கள்; வாழ்விலும் தாழ்விலும் நிலை குலையாது நின்று, தம் மக்களை வளர்த்தெடுத்தவர்கள்.

தந்தை பெரியாரின் தன்மானக் கொள்கைகளை முழுவதுமாக ஏற்று, அதன்படியே மூடநம்பிக்கை ஒழிப்பு, சாதி ஒழிப்பு, ஊராருக்கு உதவுதல் இவற்றில் முனைப்போடு செயல்பட்ட செம்மல்கள். தம் இளைய மகனையும், இரண்டாம் மகளையும் இளமையில் பறிகொடுக்க நேர்ந்த போதும் அவற்றைத் தாங்கிக் கொண்டு, தம் கணவரும், மகனும் மா.பெ.பெ.க. பணிகளிலும் கிளர்ச்சி களிலும் பங்கேற்றிட முந்திக் கொண்டு வழியனுப்பினார்.

marimuthammal_250மாரிமுத்தம்மாள் அவர்கள் தம்மக்களும் பெயரர்களும் பெயர்த்திகளும் நல்ல கல்வி பெற்றவர்களாகவும், உழைப்பில் நம்பிக்கை கொண்டவர் களாகவும் உருவாவதற்கு அம்மையார் தன் வாழ்வை ஈகம் செய்து கொண்டார்.

தமக்கு எப்போதேனும் மனக்குறை ஏற்பட்டால் வே.ஆனைமுத்து, அல்லிநகரம் மோ.இரா.சீநிவாசன், தம் மகன் அறிவுடைநம்பி ஆகி யோரிடம் மட்டுமே கூறி ஆறுதல் பெற்றுக்கொண்ட பெருந்தன்மையின் இருப்பிடம் நம் மாரிமுத்தம்மாள் ஆவார். அன்னார் தனிமையில் இருக்கும்போது முடிவெய்தினார் என்ப தை அறிந்த என் நெஞ்சம் பதைத்தது. நேரில் சென்று இறுதி அஞ்சலி செலுத்த இயலாத இடர்ப்பாடான சூழ்நிலை எனக்கு.

இயக்கத் தோழர்களை வரவேற்று உணவளித்து மகிழ்விப்பதை இறுதிவரையில் ஏற்றிருந்த வள்ளல் நம் அம்மையார்.

அன்னாரை இழந்து துன்பத்துக்கு ஆளாகியுள்ள அவர் தம் மகன் த.அறிவுடைநம்பி-குணசுந்தரி, மகள்கள் தைரியம்-கோவிந்தசாமி, அவ்வை, பெயர்த்திகள் இரஷ்யா-இளங்கோ, கலைமுகில்-மணிவர்மா, பெயரன் மருத்துவர் ஸ்டாலின்-மைதிலி ஞானமங்கை ஆகி யோர்க்கும் உறவினர்க்கும் என் சார்பிலும், மா.பெ.பொ. கவின் சார்பிலும் ஆழ்ந்த இரங்கலை உரித்தாக்கு கிறேன். வாழ்க மாரிமுத்தம்மாள் புகழ்!

- வே.ஆனைமுத்து

Pin It

“இந்தியாவில் 5 அகவைக்கு உட்பட்ட குழந்தைகளில் 42 விழுக்காடு குழந்தைகள் ஊட்டச் சத்துக் குறைபாடுகளுடன் எடை குறைந்தவைகளாக (Under-Weight) உள்ளன என்பது ஒரு தேசிய அவமானம்” என்று 10-01-2012 அன்று பிரதமர் மன்மோகன் சிங் கூறினார். பட்டினி மற்றும் ஊட்டச்சத்துக் குறைபாடு டன் குழந்தைகள் பிறப்பு ஆகியவற்றுக்கு எதிரான குடிமக்கள் அமைப்பின் ஆய்வு அறிக்கையைத் தில்லி யில் மன்மோகன்சிங் வெளியிட்ட போது இக்கருத்தைத் தெரிவித்தார்.

எடை குறைவாக உள்ள 42 விழுக்காடு குழந்தைகளில் பாதிப்பேர் எடை குறைந்தவர்களாக-வளர்ச்சிக் குன்றியவர்களாக இருக்கின்றனர். அதே போன்று 5 அகவைக்குட்பட்டக் குழந்தைகளில் 59% குழந்தைகள் அந்தந்த அகவைக்கு உரிய உயரம் வளராமல் குட்டையாக உள்ளனர். தாழ்த்தப்பட்ட வகுப்பினர், பழங்குடியினர், முசுலீம்கள் ஆகியோரின் குழந்தை களிடம் இக்குறைபாடுகள் அதிக அளவில் காணப்படு கின்றன என்று அந்த ஆய்வு அறிக்கையில் தெரிவிக் கப்பட்டுள்ளது.

மன்மோகன் மிகவும் கவலைப்படுவதாகக் கூறு கின்ற (நடிக்கின்ற) ‘இந்தத் தேசிய அவமானம்’ புதிய செய்தி அன்று. இது கடந்த பத்து ஆண்டுகளுக்கும் மேலாகப் பலராலும் சொல்லப்பட்டு வரும் செய்தியாகும். அய்க்கிய நாடுகள் மன்றம் 2000 ஆம் அண்டு முதல் ஆண்டுதோறும் மனிதவள மேம்பாட்டு அறிக்கையை வெளியிட்டு வருகிறது. அவ்வறிக்கைகளில், கல்வி, மருத்துவம், பொது மக்களுக்கான பிற அடிப்படைக் கட்டமைப்பு ஏந்துகள் ஆகியவற்றை அளிப்பதில் இந்தியா எந்த அளவுக்குப் பின்தங்கி உள்ளது என்பது புள்ளிவிவரங்களுடன் தரப்பட்டள்ளது. 2011 ஆம் ஆண்டிற்கான மனிதவள மேம்பாட்டுக் குறியீட்டில் (HDI) 187 நாடுகளில் இந்தியா 134 ஆம் இடத்தில் பின்தங்கியுள்ளது. ஆனால் இந்த இழிநிலையை மாற்றுவதற்கு உருப்படியாக எதையும் செய்யாமல், இந்திய ஆளும் வர்க்கம், 2020 ஆம் ஆண்டிற்குள் இந்தியா ஒரு வல்லரசாகிவிடும் என்று தம்பட்டம் அடித்துக் கொண்டிருக்கிறது. ஆளும் வர்க்கத்தின் சார்பில் ‘தமுக் கடிக்கும் வேலையை’ அப்துல்கலாம் தவறாமல் செய்து வருகிறார்.

பிறக்கும் போது குழந்தையின் எடை, குறைந்த அளவாக 2.5 கிலோ இருக்கவேண்டும். ஆனால் இந்தியாவில் பிறக்கும் குழந்தைகளில் 47% குழந்தைகள் 2.5 கிலோ எடைக்கும் குறைவாக இருக்கின்றன. அதனால் இக்குழந்தைகள் முழுமையான உடல் வளர்ச் சியும், ஆற்றலும், திறனும் கொண்ட இளைஞர்களாக உருவாக முடிவதில்லை. இந்த நிலை, இளைஞர்களின் எதிர்கால வாழ்வுக்கும், நாட்டிற்கும் பெருந்தடையாக வும் பேரிழப்பாகவும் அமைகிறது.

எனவே, கருவுற்ற தாய்மார்கள், 5 அகவைக் குட்பட்ட குழந்தைகள் ஆகியோரின் நலனைப் பேணும் பொருட்டு 1975இல் ஒருங்கிணைந்த குழந்தைகள் மேம்பாட்டுத் திட்டத்தை நடுவண் அரசு தொடங்கியது. இத்திட்டத்தின் கீழ் கருவுற்றப் பெண்களுக்கும், 5 அக வைக்குட்பட்ட குழந்தைகளுக்கும் சத்துணவு, சத்து மாவு, சத்து மாத்திரை, பால் பவுடர், தடுப்பூசி மருந்து ஆகியவை இலவயமாக வழங்கப்படுகின்றன.

2004 ஆம் ஆண்டுவரை ஒருங்கிணைந்த குழந்தைகள் மேம்பாட்டுக்கான நிதி முழுவதையும் நடுவண் அரசு அளித்துவந்தது. 2005 ஆம் ஆண்டு முதல் 50ரூ நிதியை மாநில அரசுகள் ஏற்று வருகின்றன. ஆனால் பீகார், ஜார்கண்ட், மத்தியப் பிரதேசம், உத்தரப் பிரதேசம், இராஜஸ்தான், ஒரிசா முதலான வடமாநிலங் களில் இத்திட்டம் மிக மோசமான முறையில் நடை முறைப்படுத்தப்பட்டு வருகிறது. இத்திட்டத்தைச் செயல் படுத்துவதற்காகக் கட்டமைப்பு வசதிகளோ, கண்காணிப்பு ஏற்பாடுகளோ முறையாக உருவாக்கப்படவில்லை.

உ.பி.யில் தேசிய கிராமப்புறச் சுகாதாரத் திட்டத் திற்காக, 2005 முதல் 2011 வரை ரூ.8,657 கோடி நிதியை நடுவண் அரசு ஒதுக்கியது. இந்த நிதியில் ரூ.5700 கோடி அளவுக்குமேல் ஊழல் நடந்திருப்பதாக நடுவண் தலைமைக் கணக்குத் தணிக்கை அதிகாரியின் ஆய்வு அறிக்கை தெரிவிக்கிறது.

இந்த அறிக்கை வெளியிடப்பட்டதும் முதலமைச்சர் மாயாவதி மக்கள் நல்வாழ்வு அமைச்சராக இருந்த பாபுசிங் குஷவாகாவை அமைச்சர் பதவியிலிருந்தும், கட்சியிலிருந்தும் நீக்கினார். ஊழலை ஒழிக்கப் போவ தாக உரக்கக் கூச்சலிட்டுக் கொண்டிருக்கும் பாரதிய சனதா கட்சி, இந்த ஊழல் பெருச்சாளி குஷ்வாகாவை மேளதாளத்துடன் வரவேற்று, தன் கட்சியில் சேர்த்துக் கொண்டது. ‘பரிசுத்த ஆவியாக’ உலவி வரும் காங்கிரசுக் கட்சியோ, தேர்தல் நேரத்தில் இந்த அறிக்கையை வெளியிடச் செய்து, அரசியல் ஆதாயம் தேட முயல்கிறது.

ஒருங்கிணைந்த குழந்தைகள் மேம்பாட்டுத் திட்டம் இந்தியாவிலேயே, தமிழ்நாடு, கேரளம் ஆகிய இரண்டு மாநிலங்களில் சிறப்பாக நடைபெறுவதாகப் பல்வேறு ஆய்வுகள் தெரிவிக்கின்றன. இதற்கு முதன் மையான காரணம் இவ்விரு மாநிலங்களிலும் அங்கன் வாடிகள் முறையாகச் செயல்படுவதேயாகும். தமிழ் நாட்டில் டாக்டர் முத்துலட்சுமி மகப்பேறு நிதி உதவி திட்டத்தின் கீழ் கருவுற்ற பெண்களுக்குப் பண உதவு அளிக்கப்படுகிறது. இந்த உதவித் தொகை தி.மு.க. ஆட்சியில் ரூ.6000 என இருந்தது. அ.தி.மு.க. ஆட்சிக்கு வந்ததும் இத்தொகை ரூ.12,000 ஆக உயர்த்தப்பட்டுள்ளது. ஆனால் முழுத் தொகையைத் தாய்மார்கள் அனைவரும் பெற முடியாத வகையில் நடைமுறைத் தடைகள் பல இதில் உள்ளன.

அரசு மருத்துவமனையில் மகப்பேறு நிகழ வேண்டும் என்பது நிபந்தனையாக விதிக்கப்பட்டுள்ளது. “நான் இந்த நாளில்-இந்த நேரத்தில் பிறக்கப் போகிறேன்” என்று தாயின் கருப்பையில் இருக்கும் குழந்தை, முன்கூட்டியே அறிவித்துவிட்டுப் பிறப்பதில்லை. ஊரகப் பகுதிகளில் செவிலியர் மட்டுமே உள்ள துணை சுகாதார நிலையங்களுக்குச் செல்வதற்குக்கூட இரண்டு மூன்று கிலோ மீட்டர் தொலைவு பயணம் செய்ய வேண்டியுள்ளது!

பேறுகாலத்திலும் அதன் பிறகும் தாய்க்கும், சேய்க்கும் தடுப்பூசி மருந்து, சத்து மாத்திரை, சத் துணவு, பண உதவி ஆகியவற்றை அளிப்பதால், தாய்-சேய் நலனும் வளனும் ஓரளவுப் பேணப்படுகிறது-மேம்படுகிறது என்பது உண்மை! ஆனால் இதுவே முழுமையான தீர்வாகாது. குறைந்தபட்ச ஊட்டச்சத்துடனான உணவை மூன்று வேளையும் தேவையான அளவில் உண்ணக்கூடிய வருவாயும், வாழ்நிலையும் 80% மக்களுக்கு இல்லை. இதை அர்ஜீன் சென்குப்தா அறிக்கை உள்ளிட்ட பல ஆய்வறிக்கைகளும் உறுதி செய்துள்ளன. எனவே இந்நிலையை மாற்றாதவரை மன்மோகன் கூறுகின்ற ‘தேசிய அவமானம்’ தொடரும்.

ஒரு நாட்டு மக்களின் மனிதவள ஆற்றல் என்பது ஊட்டமான உணவை மட்டுமின்றி, கல்வி, மருத்து வம், குடிநீர், மின்சாரம், சாலை, போக்குவரத்து ஏந்து கள், தூய்மையான சுற்றுச்சூழல் முதலானவற்றை எந்த அளவுக்குப் பெறுகிறார்கள் என்பதைப் பொறுத்தே அமைகிறது. இந்த அடிப்படை வசதிகளை மக்களுக்கு அளிக்க வேண்டியது குடியாட்சியில் அரசின் தலை யாய கடமையாகும். ஆனால் கடந்த 25 ஆண்டு களாக இவை வேகமாகத் தனியார்மயமாக்கப்பட்டு வருகின்றன. விரைவில் நீர்ப்பாசனமும் தனியாரிடம் போகப்போகிறது.

ஏழைக் குடும்பங்களின் குறைந்த அளவிலான வருவாயைத் தனியார்மயக் கல்வியும் மருத்துவமும் கொள்ளையடித்துக் கொண்டிருப்பது ஒரு தேசிய அவமானமில்லையா? இந்தியாவில் உள்ள 6 இலட்சம் கிராமங்களில் 1,20,000 கிராமங்களுக்கு மின் இணைப் பே இல்லை-50 கோடி மக்களுக்கு மின்வசதியே இல்லை என்பது மாபெரும் தேசிய அவமானமாகாதா? நாட்டில் 50 விழுக்காடு மக்கள் திறந்தவெளியில் மலம் கழிப்பது தேசிய அவமானமல்லவா? நேரு குடும்பமே இந்த நாட்டின் ஆட்சி அதிகாரத்தை அய்ம்பது ஆண்டு களுக்கும் மேலாக ஆட்டிப்படைப்பது தேசிய அவமான மல்லவா? அமெரிக்காவின் எடுபிடியான-சோனியா வீட்டின் ஏவலாளான-தேர்தலில் நிற்காமலே இரண்டு தடவை இந்திய நாட்டின் தலை அமைச்சராக மன் மோகன் சிங் இருப்பது தேசிய அவமானம் அல்லவா?

Pin It

‘தானே’ புயல் கடலூர் பகுதியில் 30-12-2011 இரவு கரையைக் கடக்கும் என, சென்னை வானிலை இயக்குநர் அலுவலகத்தார், முன்கூட்டியே அறிவித்தனர்.

அதனால் விளைந்த ஒரே பயன் மனிதர்கள் அதிகம் பேர் கொல்லப்படவில்லை என்பதுதான்.

‘தானே’ புயல் சரியாகக் கடலூருக்குத் தெற்கே உள்ள திருச்சோபுரம், கம்பளிமேடு வழியாகத்தான் கடந்தது. அப்படிக்கடந்த புயலின் விசை 135 முதல் 142 கிலோ மீட்டர் வேகத்தில் இருந்தது.

இதே பகுதியில் சில நூறு ஆண்டுகளுக்கு முன் கடல்கோள் அல்லது கடும்புயல் வீசியதற்கான அடை யாளங்கள் இன்றும் உள்ளன.

30-12-2011 புயலின் முதலாவது கேடு, தமிழ் நாட்டில் கடலூர் மாவட்டத்தில் 31 பேர்களும், மற்ற மாவட்டங்களில் 9 பேர்களும்; புதுச்சேரி மாநிலத்தில் 8 பேர்களும் ஆக 48 பேர்கள் கொல்லப்பட்டுவிட்டனர்.

கடலூர் மாவட்டத்தில் கடலூர், நெய்வேலி பகுதிகளில் 45,000 மின் கம்பங்கள், 4,500 மின்மாற்றி கள், 27 மின்கோபுரங்கள் பெருஞ்சேதம் அடைந்தன. 10.500 கிலோ மீட்டர் நீளத்துக்கு மின் கம்பிகள் பாழாயின. இவற்றின் மதிப்பு ஏறக்குறைய ரூ.1500 கோடியாகும். தென்னந்தோப்புகள், வாழைத் தோட் டங்கள், நெல்வயல்கள் சின்னாபின்னப்படுத்தப்பட்டன. இவற்றை 18-01-2012 அன்று நாம் நேரில் பார்க்க முடிந்தது. அன்றுவரையில் கூட, கடலூர் மாவட்டத் தின் தலைநகரை ஒட்டிய பகுதியில் மின்வசதி திரும்பத் தரப்படவில்லை. அடர்ந்த காடுபோல் இருந்த நெய்வேலி நகரியம் பெருமளவில் மரங்கள் வேரோடு சாய்ந்ததால், பொட்டல் வெளி போலாயிற்று. நெய் வேலியில் 5 இலட்சம் மரங்கள் சாய்ந்துவிட்டதாகப் பழுப்பு நிலக்கரி நிறுவனம் அறிவித்துள்ளது.

பண்ணுருட்டி பகுதியில் மட்டும் 50, 60 ஆண்டுக் கால பலா, முந்திரித் தோப்புகள் குறைந்தது இரண்டு இலட்சம் ஏக்கரில் அழிந்துவிட்டன. முந்திரி 15 ஆண்டு களுக்குப் பிறகுதான் நல்ல விளைச்சல் தரும், ஓர் ஏக்கரில் 3 மூட்டை முந்திரிக் கொட்டைக்குக் குறை யாமல் கிடைக்கும். முந்திரி புன்செய்க் காட்டில் தரைக்கு மேல் காய்க்கும் தங்கம் ஆகும்.

இத்தோப்புகளை நம்பிப் பலதலைமுறைக் கால மாக வாழ்கிற வேளாண் மக்கள் தலையெடுக்க இன்னும் 15 ஆண்டுகள் ஆகும். அதுவரையில் என்ன வேலைக்குப் போவது-எங்கே போவது என்பதே இவர்கள் முன் உள்ள ஒரு பெரிய கேள்வி. முந்திரித் தோப்பை இழந்தவர்களுக்கு, எக்டேர் (2.5 ஏக்கர்) ஒன்றுக்கு ரூபா 9 ஆயிரம் மட்டுமே இழப்பாக அரசி னால் தரப்படுகிறது. இது மிகக்குறைவு. இது ரூபா 25 ஆயிரமாக உயர்த்தித் தரப்படவேண்டும்.

கடலூர் மாவட்டத்தில் நெல், கரும்பு, வாழை, மா, பலா, முந்திரி ஆகிய பயிர்கள் 80 சதம் அளவுக்குப் பாழாகிவிட்டன. கேப்பர் குவாரி, இராமாபுரம் பகுதிகள் பெரிய அளவு அழிவுக்கு ஆகிவிட்டன.

வங்காளத்தில் சுந்தரவனத்துக்கு அடுத்தாற்போல், அடர்ந்த-வலைப் பின்னல் மரம் செடி கொடிகளைக் கொண்ட பிச்சாவரம் அலையாற்றி வனம் சீரழிக்கப் பட்டுவிட்டது.

தமிழ்நாட்டில் மொத்தம் 2.5 இலட்சம் எக்டேர் நிலங்களில் பயிர்கள், தோட்டப் பயிர்கள் அடியோடு அழிக்கப்பட்டுவிட்டன.

நெல்லுக்கு ஏக்கருக்கு ரூபா 20,000; வாழைக்கு ரூபா 30,000; கரும்புக்கு ரூ.30,000; தென்னந் தோப்புக்கு - மரம் ஒன்றுக்கு ரூ.3,000; பூந்தோட்டங் களுக்கு ஏக்கருக்கு ரூபா 5,000 என உடனடியாக அரசு இழப்பீடு வழங்கினாலொழிய கடலூர், பண்ணு ருட்டி, புதுச்சேரி, நாகை, திருவாரூர் வேளாண் மக்கள் கடைத்தேற முடியாது.

இறந்துபோன ஒவ்வொருவருக்கும் ரூபா 5 இலக்கம்; மாடு ஒவ்வொன்றுக்கும் ரூ.15,000; ஓர் ஆட்டுக்கு ரூ.3,000; பாழடிக்கப்பட்ட வீடுகளுக்கு ஓர் இலக்கம்; பழுதடைந்த வீடுகளுக்கு ரூ.50 ஆயிரம் என இழப்பீடு வழங்கினாலன்றித் ‘தானே’ புயலுக்கு இலக்கான மக்கள் கரையேற இயலாது.

புதுவை மாநிலத்தில் வில்லியனூரில் தொடங்கி, புதுச்சேரி கடற்கரை ஓரம் உள்ள பாரதியார் பூங்கா வரையில் உள்ள பகுதிகளை 3-1-2012, 4-1-2012, 17-1-2012 நாள்களில் நாம் பார்க்க முடிந்தது.

சிறிய ஓட்டுவில்லை வீடுகள், கூரை வீடுகள், புதியதாக வைக்கப்பட்ட சுவர்கள், வீடுகளின் பழைய சுற்றுச்சுவர்கள் சின்னாபின்னமாக்கப்பட்டுவிட்டன.

நூறாண்டு ஆன பெரிய மரங்கள், தென்னந் தோப்புகள், வாழைகள் மண்டை மண்டையாக ஒடிந்தும் வேரோடு வீழ்ந்தும் நாசமாகிக் கிடந்தன. புதுவை கடற்கரைக்கு அழகு சேர்க்கும் “பாரதி பூங்கா” அடையாளம் தெரியாத அளவுக்கு அழிக்கப்பட்டு விட்டது. குடிநீர் வசதி 3-1-2012 வரை பலவீடுகளுக்குக் கிடைக்கவில்லை; மின்வசதி 17-1-2012 வரையில் கூட வ.உ.சி. நகர் போன்ற பகுதிகளுக்கு மீண்டும் வரவில்லை.

புதுவை, மாநிலத்திலும் தமிழகத்திலும் ‘தானே’ புயலால் விளைந்த கேடுகளின் மதிப்பு ரூபா 10,000 கோடி அளவுக்கு உள்ளது.

நடுவண் அரசினர் ஆய்வுக்குழுவினர்-ஒன்பது பேர் 7-1-2012 சனி அன்று தலைமைச் செயலகத்தில் தமிழக அரசு அதிகாரிகளுடன் கலந்து பேசிவிட்டு, 8-1-2012, 9-1-2012 முதலான நாள்களில் புதுச்சேரி, கடலூர், விழுப்புரம், திருவாரூர், நாகை மாவட்டங்களுக்குச் சென்று, புயலால் பாழ்பட்ட பகுதிகளைப் பார்வையிட்டுச் சென்றுள்ளனர்.

தமிழ்நாட்டு அரசின், நடுவண் அரசினரிடமிருந்து ‘தானே புயல் அழிவு மீட்புக்காக, ரூ.5,250 கோடி நிதி வழங்கக் கேட்டுள்ளனர். “யானைப் பசிக்குச் சோளப் பொரி” போடுவது போல, இந்திய அரசு வெறும் 500 கோடியை மட்டும் வழங்கியுள்ளது.

இன்றைய தமிழக அரசினை, நடுவண் அரசு வேண்டா வெறுப்பாக-மாற்றாந்தாய் மனப்பான்மை யுடன் நோக்குகிறது என்பது ஒரு பெரிய உண்மை.

தமிழ்நாட்டு நாடாளுமன்ற உறுப்பினர்களும், நடுவண் அரசில் உள்ள தமிழக அமைச்சர்களும் கட்சிக் கண்ணோட்டம் பாராமல் இந்தியத் தலைமை அமைச்சர், நிதி அமைச்சர், மற்றும் நடுவண் அதிகாரி களுக்கு அழுத்தம் தந்து-தமிழகத்துக்கும், புதுச்சேரிக்கும் ‘தானே’ புயலால் நேர்ந்துவிட்ட பேரழிவுகளுக்குப் போதிய நிதி உதவி கிடைக்க ஆவன செய்ய வேண்டும்.

தமிழக அரசினர் உடனடியாகச் சீரமைப்புப் பணிகளை மேற்கொண்டனர். ரூ.800 கோடிக்கு மேல் நிதி ஒதுக்கிப் பணிகளை மேற்கொண்டனர். ஆனால் அதிகாரிகள் மட்டத்தில் பெரிய அளவில் காலத் தாழ்வும், மின்துறை, உள்ளாட்சித் துறைகளில் கையூட்டும் பெரிய அளவில் இருப்பதாக அறிய முடிகிறது.

 தமிழகச் செல்வந்தர்களும், தொழிலதிபர்களும், பொதுமக்களும் “முதலமைச்சரின் பொது நிவாரண நிதிக்கு” இதுவரை ரூபா 55 கோடிக்குமேல் வழங்கியுள்ளனர். மக்களின் பங்கு இன்னும் அதிகமாகவே இருக்க வேண்டும் எனக் கோருகிறோம்.

- வே.ஆனைமுத்து

Pin It

இந்தியாவில் உள்ள வாக்கு வேட்டைக் கட்சிகளுள் காங்கிரசே மிகவும் பழையது. இன்று அது 126 ஆண்டுகளை முடித்திருக்கிறது.

அடுத்த மிகப் பழைய கட்சி தென்னிந்திய நலஉரிமைக்கட்சி (South Indian Liberal Federation -S.I.L.F.) என்ற பெயரிலான நீதிக்கட்சி அல்லது பார்ப்பனரல்லாதார் கட்சி - திராவிடர் கட்சி. இன்று அது 95 ஆண்டுகளை முடித்திருக்கிறது.

அதன் நீட்சியே, திராவிட முன்னேற்றக்கழகம், அண்ணா திராவிட முன்னேற்றக் கழகம், மறுமலர்ச்சி திராவிட முன்னேற்றக் கழகம் என்னும் தேர்தல் கட்சிகள். இவையன்னியில் உள்ள திராவிடர் கழகம், மார்க்சியப் பெரியாரியப் பொதுவுடைமைக் கட்சி, பெரியார் திராவிடர் கழகம் முதலானவை தேர்தலில் ஈடுபடாத கட்சிகள்.

இவை தமிழ்நாட்டில் நிலை கொண்டவை.

திராவிடர் இயக்கத்தை அடுத்து, 1925இல் தோற்று விக்கப்பட்ட ஆர்.எஸ்.எஸ்.-சின் அரசியல் பிரிவு இன்றைய பாரதிய சனதாக் கட்சி ஆகும். அதே ஆண்டில் கான்பூரில் தொடங்கப்பட்டது, இந்தியப் பொதுவுடை மைக் கட்சி (C.P.I.). அக்கட்சியும், இந்திய மார்க்சிஸ்ட் பொதுவுடைமைக் கட்சியும் (C.P.I. - M) மற்றும் சில பிரிவுகளும் வாக்குவேட்டைக் கட்சிகள் ஆகும்.

இவை அனைத்திந்தியத் தேர்தல் கட்சிகள்.

இந்தியாவில் 6 இலட்சம் சிற்றூர்கள் உள்ளன. தமிழகத்தில் 57,000 சிற்றூர்கள் இருக்கின்றன.

இந்தியா முழுவதிலும் உள்ள எல்லா ஊர்களிலும் - எல்லா மதங்களைச் சார்ந்தவர்களிடமும் - எல்லா உள்சாதிகளைச் சார்ந்தவர்களிடமும் சில வாக்கு களைப் பெறுகிற ஒரே கட்சி இந்திய தேசியக் காங்கிரசே ஆகும். இது காங்கிரசுக்கு உள்ள மூல பலம்

இந்த நிலை, பழைய அனைத்திந்தியக் கட்சிகளான பாரதிய சனதாக் கட்சிக்கு இல்லை; கம்யூனிஸ்டுக் கட்சிகளுக்கு இல்லை.

காங்கிரசுக் கட்சி வெள்ளையனை விரட்டிய கட்சி - காந்தி வளர்த்த கட்சி - நேரு தiமையிலான கட்சி என்பது மட்டுமே எல்லா மக்களுக்கும் தெரியும்.

‘வெள்ளையன் விரட்டப்பட்டவுடனேயே, பார்ப்பன - பனியா - மார்வாரிக் கொள்ளையர்கள் தான் இந்தியா வை ஆளுவார்கள்’ எனப் பெரியார் கரடியாகக் கத்தி னார் - 1938 முதல்.

இதுபற்றி அவரைப் போல் கவலைப்பட்டவர்கள் இருவரே. ஒருவர் முகமது அலி ஜின்னா; இன்னொ ருவர் மேதை டாக்டர் அம்பேத்கர்.

பெரியார் அன்று சொன்னதைவிட அதிகமாகவே பார்ப்பன - பனியா - மார்வாரி ஆதிக்கமே இந்தியா முழுவதையும் இன்று ஆட்சி செய்கிறது; ஆட்டிப்படைக் கிறது. எப்படி?

நேரு பண்டிதர் 1946 முதல் 1964 மே வரை 17 ஆண்டுகள் தலைமை அமைச்சர். அவர் 1932 முதல் சமதர்ம வேடம் பூண்டவர்; சமாதானப் புறா என்று பாராட்டப்பட்டவர்; 1952 முதல் சாகும் வரையில் முடிசூடா மன்னர் எனக் காங்கிரசாரால் போற்றப்பட்டவர்.

இவையெல்லாவற்றையும் புறந்தள்ளிவிட்டு, 1955 முதல் தன் குடும்ப ஆட்சியை நிலைக்க வைக்கவே திட்டமிட்டார். அதனால் அவர் தலைமை அமைச்சராக இருந்த போதே, தன் அன்பு மகள் இந்திரா காந்தியை அனைத்திந்தியக் காங்கிரசுக்குத் தலைவராக ஆக்கி னார். அப்போது முதல் - 1964-1965, 1977-1979 என நான்கு ஆண்டுகள் தவிர 31.10.1984 முடிய இந்திராகாந்தியே 16 ஆண்டுக்காலம் தலைமை அமைச்சராக இருந்தார். அத்துடன் மட்டுமா?

பூணூலை வெறுத்த - பகுத்தறிவு பேசிய - சமதர்மம் பேசிய நேரு, 1955 முதல் தன்னை ஒரு பார்ப்பனர் எனவும் அடையாளப்படுத்திக் கொண்டார். அது உண் மையா? ஆம்! எப்படி?

அம்பேத்கரின் வேண்டுகோளின்படி, நேருவால் 1953இல் அமர்த்தப்பட்ட முதலாவது பிற்படுத்தப்பட் டோர் குழுவின் தலைவர் காகா கலேல்கர் (பார்ப்பனர்), 2999 சாதிகளின் பட்டியலுடன், 1955இல் தம் பரிந்து ரையை நேரில் நேருவிடம் தந்தார்.

“இந்தச் சாதிப்பட்டியலில், ஏழையாக உள்ள பார்ப்பன உள் சாதிகளைச் சேர்த்திருக்கிறீரா?” என்று மட்டுமே நேரு கேட்டார்.

“அதைச் செய்ய எனக்கு அதிகாரம் இல்லை” எனக் கலேல்கர் கூறியவுடன், “எல்லாம் அபத்தம்” (Non-sense) என்று கூறி, அந்த அறிக்கையைத் தரை யில் வீசினார், நேரு.

அத்துடன் நின்றாரா? இல்லை.

இன்னும் ஒருபடி மேலே போய், 1961 மே திங்களில் இந்திய அமைச்சரவையைக் கூட்டி, “கலேல்கர் தந்த பிற்படுத்தப்பட்டோர் சாதிப்பட்டியலை இந்திய அரசு ஏற்காது” என்று தீர்மானமே நிறைவேற்றினார். அத்துடன் நில்லாமல், 1961 ஆகஸ்டில், எல்லா மாகாண முதலமைச்சர்களுக்கும் கமுக்கமாக மடல்கள் (D.O. Letters) எழுதினார். “உங்கள் உங்கள் மாகா ணத்தில் உள்ள பிற்படுத்தப்பட்டோருக்குச் சாதி அடிப் படையில் இடஒதுக்கீடு தராதீர்கள்; வேண்டுமானால் பண உதவி (Scholarship) மட்டுமே கொடுங்கள்” என அம்மடலில் எழுதினார்.

மூன்றாவது அய்ந்தாண்டுத் திட்டத்தில் பிற்படுத் தப்பட்டோரின் பொருளாதார முன்னேற்றத்திற்கெனத் தனி நிதி ஒதுக்கிட மறுத்தார்.

இவையெல்லாம் சான்றுகளுடன் கூடிய உண் மைகள். இந்தியப் பிற்படுத்தப்பட்டோரின் முதலாவது எதிரியாக விளங்கினார் நேரு என்பதை இவை காட்டும்.

அவருடைய மறைவை அடுத்தும், லால்பகதூர் சாஸ்திரியின் மறைவை அடுத்தும் பிரதமராக வந்த இந்திரா காந்தி, 16 ஆண்டுக்காலம் பிரதமராக இருந்தார்.

1969இல் காமராசரை வீழ்த்தினார்.

1980 தேர்தலில் வெற்றி பெற்றிட, டாடா முதலான இந்திய பார்சி - மார்வாரி முதலாளிகளிடம் நூறு கோடி களில் பணம் திரட்டினார். காஷ்மீரில் தேர்தல் பரப்பு ரையின் போது, “நான் ஒரு காஷ்மீர் பிராமணத்தி என்பதில் பெருமிதம் அடைகிறேன்” என்று கூறி, அங்குப் பார்ப்பன - இந்து மத வெறியைத் தூண்டிவிட் டார். அத்தேர்தலில் வென்றார்.

இந்தியா முழுவதும் முகிழ்ந்தெழுந்த மொழிவழித் தேசிய உணர்வுகளை ஒடுக்கினார். பஞ்சாபில் அகாலிதளக் கட்சியை அழிக்கத் திட்டமிட்டு, அவராலும் கியானி ஜெயில் சிங் அவர்களாலும் வளர்க்கப்பட்ட பிந்தரன் வாலே தமக்கு எதிராக மாறியவுடன், அவரைக் கொல்லுகிற சாக்கில், 3000க்கும் மேற்பட்ட சீக்கிய மக் களை, அமிர்தசரஸ் பொற்கோவிலில் கொன்று குவித்தார். பகவத் சிங் வழியினரான சீக்கியர் - தமிழகத் தமிழ னைப் போல் தற்கொலை செய்து கொண்டு சாகும் கோழிக் குஞ்சுகள் அல்லர், எனவே தம் பாதுகாவலர்களாக இருந்த சீக்கியர்களாலேயே அவர் சுட்டுக்கொல்லப் பட்டார்.

அது நேரு குடும்பத்தின் ஈகமா? இல்லை.

அவரை அடுத்து அப்பன் சொத்துக்கு மகன் வாரிசாக வருவதுபோல, பார்சி - பார்ப்பனர் இணையருக்குப் பிறந்த இராஜீவ் காந்தி பிரதமர் ஆனார்.

இராஜீவ் காந்தி பொறுப்பேற்ற அந்த மணித் துளியிலேயே தில்லியிலும், அதன் சுற்றுப்புறங்களிலும் 3000 சீக்கியர்கள் பதைக்கப் பதைக்கப் பட்டப்பகலில் கொல்லப்பட்டார்கள்; நூற்றுக்கணக்கான சீக்கியப் பெண்கள் கற்பழிக்கப்பட்டார்கள்; சீக்கியர்களின் உடை மைகள் சூறையாடப் பட்டன.

 1984இல், மத்தியப்பிரதேசத் தலைநகரான போபால் நகரத்தில் இயங்கும் நச்சுக்காடியின் தொழிற்சாலை யின் சேமிப்புக் கிடங்கிலிருந்து வெளியேறிய நச்சுக் காற்றுக்கு ஆயிரக்கணக்கான மக்கள் காவு ஆயினர். 27 ஆண்டுகளுக்குப் பிறகு இன்றும் உறுப்புக் குறைவு, தோல் நோய்களுடன் அங்கு குழந்தைகள் பிறக்கின் றன. இன்றுவரை அங்கு உள்ள மக்களுக்குப் போதிய இழப்பீடு கிடைக்கவில்லை. ஆலை முதலாளிக்குத் தண்டனையும் இல்லை.

1984 தேர்தலில் தலைதூக்கிய சனதாக் கட்சி, அயோத்தியில் இராமர் கோயில் கட்டிட வேண்டி இந்தியா முழுவதிலுமிருந்து செங்கல் சுமந்துவர அனுமதி வழங்கியவர், இராஜீவ் காந்தி. இது பாபர் மசூதி இடிப்புக்கு வழிவகுத்தது.

இந்தக் கொடுமைகள் போதாமல் - எந்த அரசியல் பட்டறிவும் இல்லாமல் - இலங்கை அதிபர் ஜெயவர்த் தனா கேட்டபடி, இந்திய அமைதி காக்கும் படை (IPKF) என 20,000 பேர்களுக்கு மேல் இலங்கைக்கு அனுப்பி, பணமும் டேங்குகளும், பிற ஆயுதங்களும் தந்து விடுதலைப்புலி வீரர்களைக் கொன்று குவித் தார். அங்குள்ள தமிழ்ப் பெண்களின் கற்பு சூறை யாடப்பட்டது; சொத்துக்கள் களவாடப்பட்டன. இந்தியப் படையினரால் கொத்திக் குதறப்பட்ட வீராங்கனை தாணு - ஓர் உத்தம் சிங் போல, தமிழ் மண்ணில் இராஜீவ் காந்தியைக் குண்டுக்கு இரையாக்கினார்.

இராஜீவ் காந்தி போபர்ஸ் ஆயுத இறக்குமதி ஊழலுக்கு இலக்காகி, பதவியை இழந்தார். அந்த இடைக்காலத்தில் 2.12.1989 முதல் 10.11.1990 வரை பிரதமராக விளங்கியவர், விஸ்வநாத் பிரதாப் சிங் என்கிற வி.பி.சிங். அவருடைய ஆட்சிக்குத் தலை வலியாக இருந்த தேவிலாலை முடிறியடித்திட அவர் முயன்றார்.

அவருடைய ஆட்சிக்காலத்தில் மாநிலங்கள் அவை உறுப்பினராக இருந்த (1986-1992) நம் தலை மையிலுள்ள அனைத்திந்திய ஒடுக்கப்பட்டோர் பேர வையின் தலைவர் இராம் அவதேஷ் சிங் நாள்தோறும் கேள்வி நேரத்தின்போது, “மண்டல் பரிந்துரை அமல் எப்போது?” என வினா எழுப்பினார்.

அன்றைய குடிஅரசுத் தலைவர் ஆர். வெங்கட்ட ராமன் கூட்டுப் பாராளுமன்றத்தில் உரையாற்றிய போது, மண்டல் பரிந்துரை பற்றி உரையில் குறிப்பி டாததால் அவரை மேற்கொண்டு பேசவிடாமல் தடுத்து விட்டு, அவையிலிருந்து வெளிநடப்புச் செய்தார்.

அந்நிகழ்ச்சி ஒரு பெரிய பரபரப்பை உண்டாக்கியது. அது வி.பி. சிங் நெஞ்சில் பதிந்தது.

இராம் அவதேஷ் சிங் இக்கோரிக்கைக்காகப் பேரவைத் தொண்டர்களைத் திரட்டி, தில்லியில், 6.8.1990 இல் தில்லியில் மாபெரும் ஊர்வலம் நடத்தி, காவலர்களால் தாக்கப்பட்டுக், காவலில் வைக்கப்பட்டார்.

அந்த நாளில்தான், “பிற்படுத்தப்பட்டோருக்கு மய்ய அரசு வேலையிலும், மய்ய அரசுப் பொதுத்துறை களிலும் 27 விழுக்காடு இடஒதுக்கீடு தந்து ஆணை யிடப்படும்” என நாடாளுமன்றத்தில் வி.சி.சிங் அறி வித்தார்.

இந்த அறிவிப்பை முதலில் எதிர்த்தவர் காவிக் கட்சி எனப்படும் பாரதிய சனதாக் கட்சியின் பெருந் தலைவர் லால் கிஷன் அத்வானி என்கிற கத்ரி வகுப்பினர் ஆவார்.

“மண்டலா? கமண்டலா” என முழங்கிக் கொண்டு, அவர் அயோத்தியை நோக்கி, இராம ரதம் செலுத்தி னார். இடையில், லாலு பிரசாத் யாதவினால் தடுத்து நிறுத்தப்பட்டார்.

21.5.1991இல் இராஜீவ் காந்தி கொல்லப்பட்ட வுடனே நடைபெற்ற தேர்தலில் ஈடுபட்ட காங்கிரசு, கூட்டணி அமைத்து, ஆட்சிக்கு வந்தது.

பார்ப்பனருக்குப் பிணம் தூக்குகிற மூன்றாந்தரப் பார்ப்பனரான பி.வி. நரசிம்மராவ் 21.6.1991இல் பிரதமர் ஆனார்.

அவர் அர்ஷத் மேத்தாவிடம் கோடிக்கணக்கில் கொள்ளை - ஊறுகாய் வணிகரிடம் கொள்ளை எனப் பணத்தை வாரிக்குவித்தார்.

வி.பி.சிங் 13.8.1990இல் பிற்படுத்தப்பட்டோருக்கு வேலையில் 27 விழுக்காடு ஒதுக்கீடு தந்த ஆணை யில் - பிற்படுத்தப்பட்டோரில் பொருளாதாரத்தில் வளர்ந்த பிரிவினருக்கு இடஒதுக்கீடு தரக் கூடாது என்ற ஒரு திருத்தத்தை 1991 செப்டம்பரில் சேர்த்தவர் பி.வி. நரசிம்மராவ் தான்.

 தம் இளமையில் ஆர்.எஸ்.எஸ். தொண்டனாக இருந்த அதே உணர்வுடன் பாரதிய சனதா, பஜ்ரங் தள், விசுவ இந்து பரிஷத் அமைப்புகள் ஒன்றிணைந்து - பட்டப் பகலில், வினய் கட்டியாரின் ஏற்பாட்டில், பாபர் மசூதியை 6.12.1992இல் இடித்துத் தள்ளியதைக் கண்டு பூரித்தார்.

அவருடைய ஆட்சிக்காலத்தில் நிதி அமைச்சராக விளங்கியவர் தான், இன்றையப் பிரதமர் டாக்டர் மன்மோகன் சிங்.

பி.வி. நரசிம்மராவும், மன்மோகன் சிங்கும் தான் தாராளமயம், தனியார்மயம், உலகமயம் என்கிற கொள்கையை ஏற்றுத் திணித்தவர்கள்.

இவர்களை அடுத்து 16.6.1996க்கும் 22.5.2004க்கும் இடையில் அடல் பிகாரி வாஜ்பாய், தேவகௌடா, குஜ்ரால் ஆகியோர் பிரதமராக விளங்கினர்.

பாரதிய ஜனதாக் கட்சிச் சார்பில், பிரதமராக 19.3.1998இல் மீண்டும் வந்த வாஜ்பாய், தொடர்ந்து 22.5.2004 வரை பதவி வகித்தார்.

அந்த ஆட்சிக் காலத்தில்தான் கல்விக் கொள்கை காவிமயமாக்கப்பட்டது; பிராந்திய வரலாறுகள் மறைக் கப்பட்டன; இஸ்லாமியர்களும் கிறித்துவர்களும் அச்சுறுத்தலுக்கு ஆளாயினர்.

ஆனாலும் இராமர் கோயிலைப் பாபர் மசூதி இருந்த இடத்தில் கட்டியே தீரவேண்டும் என்பதிலும், இந்துத்துவா கொள்கை தொடர்ந்து மக்கள் பேரில் திணிக்கப்பட வேண்டும் என்பதிலும், மத அடிப்படை யில் சிறுபான்மையினருக்கு இடஒதுக்கீடு தரக்கூடாது என்பதிலும் பாரதிய சனதாக் கட்சியினர் உறுதியாக உள்ளனர்.

டாக்டர் மன்மோகன் சிங் 1991 முதல் அமைச் சராக இருந்தாலும் - 1996இலோ, 1998இலோ, 2004இலோ, 2009இலோ மக்களவைத் தேர்தலில் போட்டியிட்டு, மக்களால் தேர்ந்தெடுக்கப் படவில்லை. இவர் பிறப்பிடமோ, வாழிடமோ அசாமில் இல்லை. ஆனால் ஒரு வாடகை வீட்டின் முகவரியைத் தந்து முதன்முதலாக அசாமிலிருந்து மாநிலங்கள் அவை உறுப்பினர் ஆனார். ஒரு பெரிய மக்கள் நாயக நாடு இந்தியநாடு என பீற்றிக்கொண்டு மன்மோகன் சிங் ஒருமுறை கூட மக்களால் தேர்ந்தெடுக்கப்படாமல் நாட்டில் முதன்மை அமைச்சராக இருப்பது உண்மை யான மக்கள் நாயகக் கோட்பாட்டுக்கு எதிரானதாகும்; மக்களுக்கும் நாட்டுக்கும் அவமானம் ஆகும்.

அதேபோல், சோனியா காந்தி இந்தியக் குடியுரி மை பெற்றவர் என்பது உண்மை. 64 வயதினர் என்பதும் உண்மை. அதே நேரத்தில் இந்திய வரலாறு, காங்கிரசு வரலாறு, மக்களின் பண்பாடு, பொருளாதாரக் கோட்பாடு பற்றி அதிகம் தெரிந்திராத ஓர் அந்நிய நாட்டுப் பெண்மணி; நேரு குடும்பப் பெண்மணி. அவருடைய மாற்றாளாக - கையாளாகத் தான் மன்மோகன் சிங் விளங்குகிறார்; பிரதமர் பதவியைக் காப்பாற்றிக் கொள்கிறார்.

தேசியப் பழந்தின்று கொட்டை போட்ட 70 வயது, 80 வயதுள்ள காங்கிரசுப் போராட்ட வீரர்கள் நூற்றுக் கணக்கில் இன்றும் உள்ளனர். 126 ஆண்டு வரலாறு படைத்த காங்கிரசுக் கட்சிக்கு சோனியா காந்தி தலைவராக விளங்குவது காங்கிரசுக்கு அவமானம்; மக்களுக்குப் பெரிய அவமானம்.

எனவே இந்திய மக்களைப் பராரிகளாக - பஞ்சை களாக ஆக்கிடும் பிற்போக்குக் கொள்கைகளையே காங்கிரசுத் தலைமையிலான அய்க்கிய முற்போக்குக் கூட்டணி (ரு.ஞ.ஹ.) அரசு நிறைவேற்றுகிறது.

மன்மோகன் சிங் அரசு துணிந்து அந்நிய நாடு களுக்கு இந்திய இயற்கை வளங்களை விற்றுக் கொண் டிருக்கிறது.

இந்தியாவிலேயே அதிகக் கனிமவளம் புதைந்து கிடக்கும் நாடு ஜார்க்க்ண்ட். பழங்குடி மக்களும் பட்டியல் வகுப்பினரும் நிரம்ப உள்ள மாநிலங்கள் ஜார்க்கண்ட், சத்தீஷ்கர் முதலானவை.

கனிம வளங்களைத் தோண்டுவதற்காக, காலங் காலமாக அப்பகுதி மக்கள் பெற்றுள்ள நிலங்களை அடிமாட்டு விலைக்குக் கையகப்படுத்திக் கொண்டு, அவர்களின் பாரம்பரிய வாழ்விடத்திலிருந்து அவர் களை வெளியேற்றக் கூடாது என்று கூறிப் போராடும் மக்களையும், மக்களுக்காகப் போராடும் மாவோ இயக்கத்தினரையும் கொன்று குவிப்பதில் இந்தியப் பிரதமர், உள்துறை அமைச்சர், இராணுவ அமைச்சர் அனைவரும் மூர்க்கமாகச் செயல்படுகின்றனர்.

இந்திய தேசிய வருமானம் 10 விழுக்காடு வேகத்தில் வளருகிறது என்று செங்கோட்டையில் முழங்கிவிட்டு, “7.5 விழுக்காட்டுக்குமேல் ஏறவில்லையே” என்று வெட்கமின்றிக் கூறுகிறது மன்மோகன் சிங் அரசு.

இந்தியாவில் 600 மாவட்டங்கள் உள்ளன. முதன் மையான 100 மாவட்டங்களில் எடுத்த கணக்குப்படி - 100 குழந்தைகள் பிறந்தால் 42 குழந்தைகள் ஒவ்வொன்றும் 2.5 கிலோ எடைக்குக் குறைவாகவே இருக்கிறார்கள்; 59 விழுக்காடு குழந்தைகள் வயதுக் கேற்ற வளர்ச்சி பெறாதவர்களாக இருக்கிறார்கள்.

ஏன்?

முதலாவது காரணம் வறுமையும் ஏழ்மையும்.

உலக நாடுகளில் உள்ள மொத்த ஏழைகளில், அதிகமானவர்கள் இந்தியர்களாக இருக்கிறார்கள்.

இந்தியாவில் ரூபா 50 இலட்சத்துக்கும் அதிகமான நிகரச் சொத்து மதிப்பு உள்ளவர்கள் வெறும் 30 இலட்சம் பேர்தான் என, டி.என்.எஸ். என்ற ஆய்வு நிறுவனம் அண்மையில் அறிவித்துள்ளது.

அடுத்து எல்லோருக்கும் மருத்துவ வசதி செய் வதற்காக, மொத்த இந்திய தேசிய வருமானத்தில் ஒரு விழுக்காடு தொகை மட்டுமே ஒதுக்கப்படுகிறது.

எல்லா மக்களுக்கும் இலவசம் தருவது அரசின் வேலை அல்ல - கடமை அல்ல என்று அரசு ஒதுங்கிக் கொண்டது. வைத்திய வசதி முழுவதுமாகத் தனி யாரிடம் தள்ளிவிடப்படுகிறது.

அதனால் உயிர்க்கொல்லி நோய்கள் வேகமாகப் பரவி வருகின்றன.

குறிப்பாகத் தென்மாநிலங்களில் 2011-இல் புற்று நோயால் பல்லாயிரக்கணக்கான பேர் இறந்துவிட்டனர். தமிழ்நாட்டில் 39,127 பேர்; ஆந்திரத்தில் 37,144 பேர்; கருநாடகத்தில் 25,531 பேர்; கேரளாவில் 14,805 (தி நியூ இந்தியன் எக்ஸ்பிரஸ், 11.1.2012).

புற்றுநோய் தொடக்க நிலையில் வெளிப்படை யாகத் தெரிவது இல்லை; முற்றிய பிறகே கண்டுபிடிக் கப்படுகிறது. இத்தகைய கொடிய நோய்க்கு இலவச மாக வைத்தியம் செய்ய விரும்பாத அரசு, எதற்காக நம்மை ஆள வேண்டும்? இங்கு மதுக்குடியும், வேசித் தொழிலும், கட்டப் பஞ்சாயத்தும் பெருகிவிட்டன.

இந்தியாவிலுள்ள வேளாண் குடும்பங்களில் 48.6 விழுக்காடு குடும்பங்கள் வேளாண் கடனில் தத்தளிக் கின்றன. தமிழ்நாட்டில் 74.5 விழுக்காடு வேளாண் குடும்பங்கள் கடனில் மூழ்கியுள்ளன.

2011ஆம் ஆண்டுக்கான, உலக அளவிலான, மனித வளர்ச்சி பற்றிய அறிக்கையில் (HDR) கண்ட படி, 187 நாடுகளுக்கு உரிய வளர்ச்சி வரிசைப் பட்டிய லில் இந்தியா 134ஆவது இடத்தில் உள்ளது.

அதாவது பிறந்தவுடன் சாகிற குழந்தைகளின் அதிக விகித எண்ணிக்கை, பள்ளிப் படிப்பைத் தொடர முடியாதவர்களின் விகிதம், போதிய வைத்திய வசதி பெற முடியாமை இந்தியாவில்தான் அதிகம்.

அதேநேரத்தில் இந்தியப் பணக்காரர்களின் கறுப்புப் பணம் ஒரு டிரில்லியன் டாலர் - அதாவது ரூ.53 இலக்கம் கோடி உலக நாடுகளில் புழக்கத்தில் உள்ளது.

உலக நாடுகள் பலவற்றில் உள்ளவர்கள் எல்லாம் ஸ்விஸ் வங்கியில் எவ்வளவு பணத்தைப் பதுக்கியிருக்கிறார்களோ அவற்றின் கூட்டுத் தொகையை விட அதிகமான பணம் இந்தியர் களால் அங்கே பதுக்கப்பட்டுள்ளது. இராஜீவ்காந்தி பெற்ற போபர்ஸ் கையூட்டுப் பணமும் அதில் அடக்கம்.

இனி, குடிநீர், பாசன நீர் வழங்குவதிலிருந்தும் அரசு விலகிக் கொள்ள முடிவு செய்துவிட்டது.

ஆற்று நீர், நிலத்தடி நீர் இவற்றை மான்சாண்டோ போன்ற தனி முதலாளிகளிடம் ஒப்படைத்து விட்டு - குடிப்பதற்கான தண்ணீர், குளிப்பதற்கான தண்ணீர், உடைகளைத் துவைப்பதற்கான தண்ணீர், வேளாண் பாசனத்துக்கு வேண்டிய தண்ணீரை எல்லோரும் விலை கொடுத்துத்தான் வாங்கிக் கொள்ள வேண்டும் என்று அரசு கூறுகிறது.

ஊராட்சியோ, பேரூராட்சியோ, நகராட்சியோ, மாநில ஆட்சியோ, இந்திய ஆட்சியோ, இனிமேல் எல்லோருக்கும் தண்ணீர் கிடைக்கச் செய்யாது.

உலக வங்கி, பன்னாட்டு நிதியம் (I.M.F.), ஆகிய வற்றின் ஆணையின்படி, தண்ணீர் வணிகம், விதை வணிகம், மருத்துவம் ஒரு வணிகம் என்பதும்; மின்சார உற்பத்தி, எரி எண்ணெய்கள், எரிக்காற்று என வாழ்க்கைக்கு வேண்டிய எல்லாப் பண்டங்களும் அரசின் பொது விநியோக முறையிலும், மானிய விலையிலும் விற்கப்படாமல் - தனியார் பொறுப்பில் அரசு ஒப்படைக்கப் போகிறது.

மாநிலங்களுக்கு இருந்த உரிமைகளைப் படிப் படியாகப் பறித்துக்கொண்ட இந்திய அரசு, மாநிலங் களுக்கு இடையே ஆன எல்லைத் தகராறு, ஆற்று நீர்ப்பங்கீட்டுத் தகராறு, மின் பகிர்வுத் தகராறு இவற்றைத் தீர்த்து வைப்பதற்குப் பொறுப்பேற்க வில்லை.

அறிவியலிலும் தொழில் நுட்பத்திலும் முன்னேறிய மேலைநாடுகள் ஏற்கெனவே அங்கெல்லாம் நிறுவிய அணுமின் உற்பத்தித் தொழிற்சாலைகளை படிப்படி யாக மூட முடிவெடுத்து வருகிறார்கள்.

ஆனால் பிரதமர் மன்மோகன் சிங் - அமெரிக்கா, இரஷ்யா, செர்மனி, பிரான்சு நாடுகளின் அணுஉலை தொழில்நுட்பம் விற்பனையாகும் சந்தையாக இந்தியாவை மாற்றியே தீருவது என்று முடிவெடுத்துச் செயல்படுகிறார். கூடங்குளம் அணுஉலையை உடனே இயக்கிட விரும்புகிறார்.

தமிழர்கள் அறிவுடனும் பொறுப்புடனும் ஒன்றுபட்டு இந்தத் தீய முயற்சியைத் தடுத்தே தீரவேண்டும்.

மகாராட்டிரத்தில் ஜைத்தாப்பூரில் 9,900 மெகாவாட் மின்சாரம் உற்பத்தி செய்திட அணுஉலை அமைக்க வேண்டி, நிலங்களை அரசு கையகப்படுத்துவதை, அங்கே நகர்ப்புறத்தில் வாழும் 46 விழுக்காடு மக்கள் முழு மூச்சாக எதிர்க்கிறார்கள். நாமும் எதிர்ப்போம், வாருங்கள்!

காங்கிரசின் பேரால் நேரு 16 ஆண்டுகள் 9 மாத மும்; இந்திரா காந்தி 16 ஆண்டுகளும்; இராஜீவ் காந்தி 5 ஆண்டுகள் 1 மாதமும் இந்தியாவை ஆண்டிருக்கிறார்கள். அதாவது நேரு குடும்பம் 37 ஆண்டுகள் 10 மாதங்கள் இந்தியாவை ஆண்டு, பார்ப்பன - பனியா - மார்வாரி ஆதிக்கத்தை நிலைக்க வைத்துவிட்டது.

பி.வி. நரசிம்மராவ் அய்ந்து ஆண்டும்; டாக்டர் மன்மோகன் சிங் 22.5.2004 முதல் 30.01.2012 முடிய 7 ஆண்டுகள் 8 மாதங்களும் இந்தியாவின் பிரதமர்களாக இருந்துவிட்டனர்.

மொத்தத்தில் 64 ஆண்டைய சுதந்தரத்திற்கான ஆளுகையில் - ஏறக்குறைய 50 ஆண்டுகள் இந்தி யாவை காங்கிரசே ஆண்டுள்ளது.

இந்திய மக்களை உலக முதலாளிகளுக்கும், இந்திய மேல்சாதி - பணக்காரர்களுக்கும்; உலக வல்லரசுகளின் சுரண்டலுக்கும் இலக்காக - காங்கிரசு, இந்தியாவை ஆக்கிவிட்டது.

பாரதிய சனதாக் கட்சி இவற்றை அப்படியே செய்யும். கூடுதலாக இராம ராஜ்யத்தை - காட்டுமிராண்டி இந்துத்துவா தத்துவத்தை எல்லார் பேரிலும் சுமத்தும்.

காங்கிரசை ஆட்சியிலிருந்து அகற்றுங்கள்! காவிக்கட்சி ஆட்சிக்கு வராமல் தடுத்திடுங்கள்!!

Pin It