சயனத்திற்கென அய்ந்து அறைகளில்
சுழன்று சுழன்று
அடிவயிற்றில் வலிவாங்கி
தினமும் குமுறினாள் பாஞ்சாலி

சுருட்டிய உடைகளுடன்
மரத்தில் குந்திய
கண்ணனின் முன்னால்
கைகளைத் தூக்கி
காட்டுகின்றனர் எல்லாவற்றையும்
குளத்திலிருந்து மேலேறிய
கோபிகைகள்

சிவனும் திருமாலும்
ஓரினச் சேர்க்கையில்
பண்பாடு காத்த தருணத்தில்
வழிந்த உயிரணுக்களில்
உருவம் தகைந்தது அய்யப்பனுக்கு

குறிகளைப் பிடித்துக் கொண்டு
கோபுரங்களில் நிற்கும் சிலைகளின்
அடியில்தான் நடக்கின்றன
கர்ப்பக்கிரக பூசைகள்

காமசூத்திரத்தின் கலைகளனைத்தும்
சிலைகளாய் நிற்கும்
இந்துத்துவத்தின் ஆபாசம்
நடிகையெனினும்
நர்த்தகியெனினும்
பெண்ணென்றால் போதும்
லோகமகா குருக்களுக்கு

பெண்பித்து, காமக் கொடூரம்
இந்தக் குப்பைகள் மேலிருந்து
கூவுகிறாய்
ஒரு முத்த நிகழ்ச்சியை எதிர்த்து

ஊரில் சொல்வார்கள்
"குடுமிய உட்டுப்புட்டு
கோவணத்த புடிக்கிறானுங்க
கிறுக்கனுங்க'