மின்னொளியால் ஒப்பனையூட்டப் பட்டபிம்பங்களைப் பெருக்கும்
கண்ணாடி அறையில்
வைக்கப் பட்டிருக்கின்றன
குதிகால் உயர்ந்த செருப்புகள்
தலைகீழாய் தொங்குமவை
வரிசையிலிருந்து விலகி
பிரவேசிக்கும் கால்களை உள்வாங்குகின்றன
கச்சிதமற்றவை
மீண்டும் அறையில் தொங்குகின்றன
அவற்றின் விருப்பமெல்லாம்
உயர்ந்தமேடையில் நடைபழகுவதும்
பருத்த பின்புறங்களை உயர்த்துவதும்
வெள்ளோட்டத்தில் அழுக்கடைந்தவை
மெருகேறத் துடைக்கப்படுகின்றன.
வெளிச்சத்தில் நிராகரிக்கப்பட்டவை
மின்னோட்டம் தடைபட்ட இரவுகளில்
தேர்ந்தெடுத்துக் கொள்கின்றன
தமக்கான கால்களை.
- சுகிர்தராணி