உறவுப் பெண்ணின்திருமணத்தில்
அட்சதை தூவிக் கொண்டிருப்பாள்
மண வயது கடந்த
மங்கை யொருத்தி!
முதலாளி மகள்
தேர்ச்சி அடைந்ததற்காக தந்த
இனிப்பை ருசித்துக் கொண்டிருப்பாள்!
வேலைக்கார
சிறுமியொருத்தி.
ஆசிரியரின்
களைப்பிற்காக
தேநீர் வழங்கிக் கொண்டிருப்பான்.
கற்க இயலா
சிறுவன் ஒருவன்.
பண்ணையாரிடம்
கை நாட்டில்
கடன் வாங்கி ஏமாந்துக் கொண்டிருப்பான்!
ஏழை
விவசாயி யொருத்தன்.
ஒரு நாள் எரிப்பதற்கு
தினமும்
எரிந்துக் கொண்டிருப்பான்!
பட்டாசுத் தொழிற் சாலையின்
சிறுவன் ஒருத்தன்.
ஏமாந்த மக்களே
மறுபடியும்
ஏமாந்துக் கொண்டிருப்பார்கள்!
ஓட்டுச் சாவடிகளில்
மொத்தமாய்.
- கதிர்மொழி
