பிடிவாதங்கள்

பிச்சை பாத்திரத்திற்கு
ஏங்குமென்கிறபோது
அட்சயப்பாத்திரங்கள்
அருகருகே
அடுக்கப்பட்டிருந்தும்
திரைவிலகும்
திசையிற்கழியும்
கத்தை கத்தையான
காலம்

அந்திமக்குமரிகள்
கூடியடிக்கும்
கும்மிகளுக்கிடையில்
சிதறித் தெறிக்கும்
காற்று பிசிரென
கணபொழுதுளில்
சறுக்கித்தான் போகிறதெம்
உச்சவரம்பின்
பிடிவாதங்கள்

- கவிமதி, துபாய் இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.