மெளனமாய் வெளிப்படுகிறது
என் விசும்பல் சத்தம்...
உனக்கும் சுதந்திரம் உண்டு
ஆம் பெண்ணே...
உனக்கும் சுதந்திரம் உண்டு...
உனக்காக நான் வெட்டிய விரல் நகங்கள்

உனக்காக நான் மாற்றி கொண்ட என் புகை பழக்கம்
உனக்காக நான் மறந்து போன என் கல்லூரி தோழிகள்
என் சிறு வயது நட்புகள்
என் காகித கிறுக்கல்கள்
என எல்லாமே...
ஆனாலும் என் வெற்றிகளுக்கு ஆசைப்படும் நீ
என் தோல்விகளை மட்டும் மறுக்கிறாயே...
என் புன்னகைகளை அலங்கரிக்கும் நீ
என் கண்ணீர்துளிகளுக்கும் காரணமாய்...
இருவருமாய் இது வரை திரைப்படம்
சென்றதில்லை உனக்கு பிடிக்காது
பூங்கா ரசித்ததில்லை
உனக்கு பிடிக்காது
உணவகங்கள் செல்வதில்லை
உனக்கு கூச்சம்
அனைவருக்கும் உடைகள்
உன் தேர்வில் மட்டுமே
பயணங்கள் உன் விருப்பத்தில்
பண்டிகைகள் உன் விருப்பத்தில்
உறவுகள் உன் விருப்பத்தில்....
எனக்கும் ஆசைகள் உண்டு
எப்பொழுது புரியும் உனக்கு....


- மழைக் காதலன் இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.