More articles by லஷ்மி சாஹம்பரி
- தீராநதி (12 ஏப் 2010)
- மேகத்தின் மிச்சங்கள் .. (11 ஏப் 2010)
- கொஞ்சம் உயிரும் காதலென சொல்லப்படுவதும் (11 ஏப் 2010)
- செல்லமே.. (11 ஏப் 2010)
- சப்தமிடும் நிசப்தங்கள் (11 ஏப் 2010)
மெல்லியதொரு திரைச்சீலை
நம்மிடையே
அவசியப்படுகிறது
அநேகக் காரணங்கள்
அதற்கானதாய்
என்னிடத்தில்
உன் விழிகளின் வசீகரம்
என்னை விழுங்கிடாதிருக்கவும்
சுவாசத்தின் வெம்மைதனில்
நெகிழ்ந்து இளகாதிருக்கவும்
சிநேகத்தின் பரஸ்பரங்களில்
சிதறுண்டு போகாமலிருக்கவும்
இன்னும்
இனியும்
எத்தனையோ அத்தனையும்
எனைப் பத்திரப்படுத்த
எப்பொழுதேனும்
இதனில் என்னை
முழுவதுமாய் வாரிச்சுருட்டி
உன் உள்ளங்கைக்குள்
பொதிந்து வைக்கவும் ஆகிறது...