இங்கிலாந்துப் பள்ளிகளில் வேதியியல் கற்பிக்கும் முறைகள் பற்றி அறிந்து கொள்ளும் நோக்குடன், UK கல்வியியல் துறையின் ஒப்புதலோடு, இங்கேயிருக்கும் (இங்கிலாந்து) பள்ளியொன்றிற்குச் செல்லும் வாய்ப்பு கிடைத்தது. காலை 8:30 முதல் மாலை 3.10 வரை, ஐந்து பிரிவேளைகள் ஆறாம் நிலைகள் முதல் பள்ளி மேல்நிலையாகிய A Level வரை ஒவ்வொரு வகுப்பிலும் மாணவர்களோடு இருந்து பாடங்களைக் கவனித்தேன். ஆறாம் நிலை மாணவர்களுடனான முதல் பிரிவேளையே வியப்பும் அதிர்ச்சியுமாகத் தொடங்கியது அந்தநாள் எனக்கு.

பாடத்தின் தலைப்பு "Puberty in Girls and Boys" அதாவது பெண்ணும் - ஆணும் பூப்பெய்துதல் பற்றிய பாடம். முதலில் ஒற்றைச் சொல்லில் அல்லது சரியா?தவறா? முறையில் விடையளிக்கக்கூடிய பொதுவான கேள்விகள், காட்டாக ஆண்கள் வயதுக்கு வரும்போது ஆண்களின் இடுப்பு அகலமாகுமா? கன்னித்தன்மை அடையும்போது மூளையிலிருந்து அதிகளவில் சுரக்கும் சுரப்பி யாது? முன்வைக்கப்பட்டு மாணவர்களிடம் இதுபற்றிய புரிதல் இருக்கிறதா என்று சோதிக்கப்படுகிறது.

ஆண்-பெண்ணுறுப்புகள் அடையும் மாற்றங்கள் பற்றி காணொளிகள் (Youtube உள்பட) காட்டப்பட்டு வகுப்பு கேள்வி-பதில்களோடு நகர்கிறது. ஆண்கள் வயதுக்கு வரும்போது, ஆணுறுப்புக்கு மேல் சிறுசிறு மயிர்த்துணுக்குகள் முளைப்பதும், ஆணுறுப்பு சற்று நீள்வதும், முகங்களில் பருக்கள் தோன்றுவதும் சமிக்ஞை என்று காணொளி மூலம் உணர்த்தப்பட்டபோது, ஆண்-பெண் குழந்தைகளென 25 பேர் இருந்த அந்த வகுப்பறையில் ஒருவரும் நாணிக் குறுகவோ, நக்கலாக நகைக்கவோ, அதைச் சொல்ல ஆசிரியர் கூச்சப்படவோ இல்லை.

menstrual cycleMenstruation என்றாலும் Period என்றாலும் ஒன்றுதான் என்றும், இது ஒரு இயற்கை நிகழ்வு தான் என்றும், Period இன் போது வெளியேறும் செந்நிற திரவத்தில் பாதிக்கும் குறைவாகவே இரத்தம் இருக்கிறது என்றும், குறிப்பாகப் பெண் குழந்தைகள் இதைக் கண்டு அச்சப்படத் தேவையில்லை என்றும் முழுவ‌தும் பேசி, விவரித்து, விவாதித்து முடிந்தவுடன், ஒரு படத்தை மாணவர்களுக்குக் கொடுத்து, படம் பார்த்துக் கதை சொல்லச் சொன்னார் ஆசிரியர். படத்தில் காட்டியிருந்த‌படி, பொதுவாக Period என்பது 28 நாட்களைக் கொண்ட உடலியல் சுற்று. இந்தச் சுற்றை நான்கு வாரங்களாகப் பிரித்து ஒவ்வொரு வாரத்திலும் பெண்களின் உடலில் ஏற்படும் மாற்றங்களை மாணவர்களோடு நானும் தெரிந்து கொண்டதைத்தான் இங்கே பதிவாக எழுதுகிறேன்.

எல்லோரும் Period என்பதை மூன்று நாட்கள் மட்டும் நடக்கக்கூடிய நிகழ்வு என்று புரிந்து கொள்கின்றனர். அதோடு, Menstrutation என்று சொன்னவுடன் ஏதோ உடலுக்குள் மாற்றம் ஏற்பட்டு குறிப்பிட்ட நாட்களுக்குப் பின்னர் (Period முடிந்தபிறகு) இரத்தம் வெளியேறுமென்று நினைத்துக் கொள்பவர்களும் உண்டு. ஆனால் அப்படி நடப்பதில்லை. அதாவது, Period முடிந்தபிறகு பெண்ணுறுப்பிலிருந்து இரத்தம் வெளியேறுவதில்லை. Period இன் முதல் வாரத்திலேயே கருப்பையின் உள்சுவரில் படிந்திருந்த இரத்தப் படிமங்கள் பெண்ணுறுப்பு வழியாக வெளியேறுகின்றன.

விளங்கச் சொல்கிறேன்...

அதாவது மாதம் முழுதும் கருப்பையில் படிந்த இரத்தமானது, Period இன் முதல் சில நாட்களிலேயே (முதல் வாரத்தில்) வெளியேறிக் கருப்பை தூய்மை ஆகி விடுகிறதாம். இவ்வாறு முழுவ‌தும் வெளியேறிய பிறகு (இரண்டாம் வாரத்தில்) Ovaries எனப்படும் சினைப்பைகளில் உருவாகும் சினைமுட்டை ஃபெலோப்பியன் குழாய்கள் மூலமாக கருப்பையை வந்தடைகிறது. அந்தச் சினைமுட்டையானது, கருப்பைக்கு வரப்போகும் விந்தணுவுடன் சேர்ந்து கருவாக மாறத் தேவையான (Egg Fertilization) எல்லாச் சூழலும் அங்கே இருக்கும்.

அதாவது, அங்கே வரும் சினைமுட்டையை கருவாக மாற்றத் தேவையான ஊட்டங்கள் (சோடியம், பொட்டாசியம், பாஸ்பரஸ், இரும்பு உள்ளிட்ட தாதுக்கள், சில நல்லவகை நுண்ணுயிரிகள் (பாக்டீரியாக்கள்), சளி போன்ற திசுக்கள் போன்றவை இரத்தத்தில் கலந்து கருப்பையின் உள்சுவரில் படிந்து (Lining) தயாராகும். இந்தச் சூழலில் (மூன்றாம் வாரத்தில்) விந்தணு கருப்பைக்குள் வரும்போது, கருவாக மாற அதிகமாக வாய்ப்பிருக்கிறது. அப்படி விந்தணுக்கள் இல்லாத சமயத்தில், சினைமுட்டையானது, கருப்பையினுள் இருக்கும் இரத்தப் படிமங்களில் கரைந்து உள்சுவரில் படிகின்றன. இவ்வாறு, சினைமுட்டையைக் காப்பதற்காக, புது உயிரை உருவாக்குவதற்காக கருப்பைக்குள் சேமித்து வைக்கும் இரத்தப் படிமத்தின் கெட்டித்தன்மை அதிகமாகும்போது இரத்தம் வெளியேறுதல் முற்றிலும் நின்றுபோவது நான்காம் வாரத்தில்தான்.

முழுவ‌தும் நிரம்பிய கருப்பையானது Period இன் முதல் வாரத்தில், அதுவரை உள்ளுக்குள் படிந்திருந்த படிமங்களை வெளியேற்றி தூ(ய்)மையாகிறது. வெளியேறும் இரத்தமும் நிர்மலச் சுத்தமானது என்கிறது மருத்துவ அறிவியல். அதாவது மீண்டும் சுற்று துவங்குகிறது. இதன்படி பார்த்தால் மாதம் முழுவ‌துமே பெண்ணுடலில் மாறுதல்கள் ஏற்பட்டுக் கொண்டே இருக்கின்றன. ஆனால் அதைப் பற்றிய புரிதல்களின்றி, தாசியை வேசியாக்கியது போல தூய்மையைத் தூமையாக்கி இழிவுசெய்து போய்க் கொண்டிருக்கிறது நம் உலகம். பெண்ணுறுப்பைச் சுத்தம் செய்வதிலிருந்து, வயதுக்கு வரும் ஆணுக்கு ஏற்படும் உடலியல் மாற்றங்கள் வரை அறிந்துகொண்டு, அவற்றை வளரும் பிள்ளைகளுக்கு உணர்த்தி வளர்க்காத வரையில் பாலியல் குற்றங்கள் நடந்துகொண்டேதான் இருக்கும்.

- முனைவர் செ. அன்புச்செல்வன், காந்த ஒத்ததிர்வு படமாக்கி (MRI) வேதியியல் ஆராய்ச்சியாளர், ஹல் பல்கலைக்கழகம், இங்கிலாந்து. 

Pin It

60 சொட்டு இரத்தம் = 1 சொட்டு விந்து சரியா?

தொலைக்காட்சியில் சில மருத்துவர்கள் அச்சுறுத்துவது சரியா?

இளைஞர்கள் கட்டாயம் அறிய வேண்டியவை!

male 198இரத்தம் வேறு. விந்து வேறு. விந்து ஒரு சுரப்பு. வாயில் எச்சில் ஊறுவதுபோல் விந்துப் பையில் விந்து சுரக்கும். எனவே, 60 சொட்டு இரத்தம் ஒரு சொட்டு விந்து என்பது தப்பு.

விந்து அதிகம் வெளியேறுவதால் ஆண்மை இழப்பு ஏற்படும், உறுப்பு சிறுத்து, துவண்டு விடும். உடலுறவு கொள்ள முடியாது என்று சில மருத்துவர்கள் அச்சுறுத்தி இலட்சக்கணக்கான இளைஞர்களை தன்னம்பிக்கை அற்றவர்களாக, மன உளச்சல் உடையவர்களாக, அச்சம் உடையவர்களாக ஆக்கி வைத்துள்ளனர்.

இளைஞர்களே இது உண்மையல்ல.

சுய இன்பத்தில் ஈடுபட்டு, கையால் விந்தை வெளியேற்றுவது இளைஞர்களின் இயல்பு. இது நல்லது. தப்பான செயலில் ஈடுபடாமல் காக்கிறது. இதில் கேடு ஏதும் இல்லை.

இதனால் ஆண்மை இழப்பு ஏற்படாது. உறுப்பு சிறுத்துப் போகாது; துவண்டு போகாது. அப்படி நினைத்து தன்னம்பிக்கை இழப்பதால்தான் இப்பாதிப்புகள் வருவதுபோல் தோன்றும். ஆனால், இது பொய். நமக்கு எந்த பாதிப்பும் வராது என்று தன்னம்பிக்கையோடு இளைஞர்கள் தங்கள் வாழ்வில் ஈடுபட்டால் இதனால் எப்பாதிப்பு இல்லை என்பதை அறியலாம்.

திருமணமான புதிதில் ஒரு நாளைக்கு நான்கைந்து முறைகூட உடலுறவு கொள்வர். இதனால் ஆண்மையோ, உடல் நலமோ பாதிக்கப்படுவதில்லை.

ஆண்கள் 13 முதல் 14 வயதில் பருவம் அடைவர். அப்போது தனிமையில் கையால் விந்து வெளியேற்றி சுயஇன்பம் அடைவர். இவ்வாறு வெளியேற்றவில்லை யெனில் இரவில் கனவில் தானே வெளியேறும்.

எந்தவொன்றும் அளவு மீறக்கூடாது என்பது இதற்கும் பொருந்தும். 14 வயதில் தினம் வெளியேற்றுவர். பின் வாரம் மூன்று நான்கு நாள்கள். அதன் பின் வாரம் ஒருமுறை என்று குறையும். இதனால் ஆண்மை இழப்போ. உறுப்பு தளர்வோ வரவே வராது.

அப்படி வரும் என்ற தப்பான எண்ணத்தால்தான் உறுப்பு தளர்வு ஏற்படுகிறது. இந்த எண்ணத்தை மாற்றிக் கொண்டாலே உறுப்பு எழுச்சி நல்ல முறையில் இருக்கும்.
பொதுவாக ஆண்கள் 14 வயது முதல் 18 வயதுவரை தினம் விந்தை வெளியேற்றுவதை அல்லது ஒரு நாளைக்கு சிலமுறை வெளியேற்றுவதை தவிர்த்து, எப்போது உணர்வு கட்டுப்படுத்த முடியாத அளவிற்குச் செல்கிறதோ அப்போது தன்மையில் வெளியேற்றுவது சிறந்தது.

தினம் செய்வதால் உடலின் பொலிவு, செழுமை குறையும். மற்றபடி ஆண்மை குறையாது.
வாரம் ஒருமுறை இருமுறை சுயஇன்பத்தால் ஈடுபடுவது உடல் நலத்திற்கு நல்லது.

25 வயது முதல் 35 வயது வரை ஒருநாள் விட்டு ஒருநாள்; 35 வயது முதல் 45 வயது வரை வாரம் ஒருமுறை; 45 வயது முதல் 55 வயது வரை மாதம் இருமுறை.

55 வயது முதல் 70 வயது வரை மாதம் ஒரு முறை உடலுறவு கொள்வது அல்லது சுயஇன்பம் செய்வது நலம் தரும். கோடைக்காலத்தில் அதிகம் விந்து வெளியேற்றப்படாமல் இருப்பது நல்லது.

இவற்றைக் கருத்தில் கொண்டு இளைஞர்கள் அளவு மிஞ்சாது அளவோடு இன்பம் அடைந்து மகிழ்வோடு வாழ வேண்டும். மாறாக, இதைத் தவறாக எண்ணி அஞ்சி, தன்னம்பிக்கை இழந்து தளர்ந்து போகக் கூடாது

- மஞ்சை வசந்தன்

Pin It

                சுவாசத்தில் நுழையும் சுத்தமான காற்று நமது மனதையும், உடலை உறசாகப்படுத்தும். அது போல தாம்பத்யத்தில் உற்சாகமுடன் செயல்பட மூன்று முக்கிய வழிமுறைகளை பின்பற்ற வேண்டும் என்று தெரிவிக்கின்றனர் உளவியலாளர்கள்.

முத்தான மூன்று வழிகள் :

1.             பார்வையாளராக மட்டுமே இருப்பதை தவிர்க்க வேண்டும்

2.             உறவுகளுக்கிடையேயான தொடர்பை அதிகரிக்க வேண்டும்

3.             ஒருவருக்கொருவர் தவறாக புரிந்து கொள்வதை விடவேண்டும். 

பார்வையாளராக இருக்க வேண்டாம் :

                தாம்பத்தியத்தில் இருவரின் பங்களிப்புமே முக்கியமானது. ஒருவர் பார்வையாளராக இருந்து மற்றொருவர் மட்டுமே செயல்புரிந்தால் அது ஓரங்க நாடகம் போல ஆகிவிடும். இருவருமே இணைந்து செயல்புரிவதில் தான் சுவாரஸ்யமே உள்ளது. எனவே பார்வையாளராக மட்டுமே இல்லாது பங்களிப்பாளராக இருப்பதும் முக்கியம்.

ஸபரிசங்கள் உணர்த்தும் :

                தகவல் தொடர்பு என்பது தாம்பத்தியத்தில் மிகவும் முக்கியமானது. வார்த்தையாகவோ, தொடுகை யாகவோ எப்படியாகிலும் உங்கள் துணையுடன் நீங்கள் தொடர்பு கொள்ள வேண்டும். எது நன்றாக இருக்கிறது என்பதை உணர்த்துவதில்தான் வெற்றியின் ரகசியம் இருக்கிறது. ஆயிரம் பேச்சு உணர்த்துவதை ஒரு ஸ்பரிசம் புரிய வைத்துவிடும் என்பார்கள். எனவே தாம்பத்தியத்தின்போது உங்கள் வாழ்க்கைத் துணைக்கு நீங்கள் என்ன விரும்புகிறீர் என்பதை புரிய வைக்க வேண்டும். பிறகு பாருங்கள்! உங்களுக்கு தேவையானவை தானாகவே கிடைக்கும்.

                தாம்பத்யத்தில் தொடுகையின் பங்கு முக்கிய மானது. தொடத் தொட மலரும் பூக்களைப் போல உங்களின் வாழ்க்கைத் துணை உங்களின் பங்க ளிப்பை கண்டு உற்சாகமடைவார் என்பது நிச்சயம்.

                அதற்காக ஓவர் ஆக்டிங் தேவையில்லை ஏனெ னில் அது முழுவதையும் சொதப்பி விடும். ஒருவருக் கொருவர் விட்டுக் கொடுத்து மகிழ்விப்பதில் இருவரின் பங்களிப்பு சரிசமமாக இருக்க வேண்டும்.

புரிதல் தேவை :                          தாம்பத்தியத்தைப் பொறுத்தவரை யார் பெரியவர் என்ற ஈகோ தேவை யற்றது. சரியான புரிந்து கொள்ளும் தன்மையுடன் அணுகினாலே அன் றைக்கு வீட்டில் அமர்க்களம்தான். அதை விடுத்து தன்னுடைய செயல்பாடுதான் சரியானது என்றும் தான் சொல்வதைக் கேட்டால் தான் சரியாக இருக்கும் என்று கூறினாலே அங்கே சிக்கல் எட்டிப்பார்க்க ஆரம்பிக்கும்.

                அந்த சமயத்தில் கட்டளையிடு வதை விட கவனத்தோடு பிரச்சினையை தீர்க்க முயல்வதே சரியானது. உளவிய லாளர்கள் கூறும் மூன்று முத்தான ஆலோசனைகளை பின்பற்றி பாருங்கள்! அப்புறம் உங்கள் காட்டில் (அதாவது வீடடில்) அன்பு மழைதான்!

(மாற்று மருத்துவம் ஏப்ரல் 2012 இதழில் வெளியானது)

Pin It

மாதவிலக்கு வந்த நாளிலிலிருந்து 13, 14, 15 நாள்களில் உடலுறவு கொண்டால் மட்டுமே குழந்தை பிறக்கும். இவையே கருத்தரிப்பிற்கு உரிய நாள்கள்.

pregnancyதிருமணம் முடிந்து நான்காண்டுகளாவது குழந்தை பெறாது சுமையின்றி மகிழ்வாக வாழ்ந்து பிறகு பெற்றுக் கொள்வது வாழ்வை மகிழ்வாக்குவதற்கான வழி. கணவன் மனைவி இடையே ஈர்ப்பு குறையாமலிருக்க இது உதவும்.

ஆனால், சில ஆண்கள் தன் ஆண்மையை உலகுக்குக் காட்ட உடனே பெற எண்ணி ஓராண்டிலே குழந்தை பெற்றுக் கொள்வர்.

சிலருக்கு திருமணமாகி சில ஆண்டுகள் ஆகியும் குழந்தை பிறப்பதில்லை.

குழந்தை பிறக்காததற்கு பல காரணங்கள் உண்டு. ஆண்களின் விந்தில், உயிரணு இல்லாமல் இருத்தல் அல்லது உயிரணுக்களின் எண்ணிக்கை குறைவாய் இருத்தல். பெண்ணின் கருக்குழாயில் அடைப்பு அல்லது கருப்பை பாதிப்பு.

பொதுவாக, குழந்தை இல்லை யென்றதும் பெண்தான் காரணம் என்று ஆண் மறுமணம் செய்து கொள்கிறான். இது தப்பு மட்டுமல்ல குற்றமும் ஆகும்.

குழந்தை இன்மைக்கு பெண்ணைக் காட்டிலும் ஆணே பெரும்பாலும் காரணம். எனவே, இருவரும் சோதனை செய்து யாரிடம் குறை என்று கண்டு அதைச் சரி செய்ய வேண்டும். பெரும்பாலும் சரி செய்துவிட முடியும். அந்த அளவிற்கு மருத்துவம் வளர்ந்துள்ளது.

குழந்தை பெற உரிய நாட்களில் உடலுறவு கொள்ளாமையும் குழந்தையின்மைக்கு ஒரு காரணம். எனவே, அந்த நாள்களை அறிந்து உடலுறவு கொள்ள வேண்டும்.

மாதவிலக்கு வந்த நாளிலிலிருந்து 13, 14, 15 ஆகிய மூன்று நாள்கள் உடலுறவு கொண்டால் குழந்தை பிறக்கும். அதிலும் குறிப்பாக 14, 15 ஆகிய இரு நாள்களும் மிகச் சரியான நாள்கள். காரணம் 14, 15ஆம் நாள்களில்தான் பெண்ணின் சினையணு கருவுற தயார்நிலையில் இருக்கும்.

இந்த நாள்களுக்கு முன்னோ பின்னோ உடலுறவு கொள்வதால் குழந்தை பிறக்காது. இந்த உண்மை தெரியாததால் குழந்தை பிறப்புத் தள்ளிப் போகிறது.
குழந்தை வேண்டாம் என்பவர்கள் மாத விலக்கு வந்தபின் 11, 12, 13, 14, 15 ஆகிய நாள்களில் உடலுறவு கொள்வதைத் தவிர்க்க வேண்டும்.

14, 15ஆவது நாள்கள்தான் உரிய நாள்கள் என்றாலும், 11, 12, 13 நாள்களில் உடலுறவு கொள்ளும்போது வெளியேறிய விந்து பெண்ணுருப்பில் ஓரிரு நாள்கள் உயிர்வாழும். அதிலுள்ள உயிரணு மூலம் குழந்தை பெற வாய்ப்பு வரும். அதனால், 11, 12, 13 ஆகிய நாள்களும் விலக்கப்பட வேண்டும்.

பருவமடைந்த ஒவ்வொரு ஆணும் பெண்ணும் இதை அறிந்து வைத்திருக்க வேண்டியது அவசியம்.

இந்த விவரம் அறிந்திருந்தால் தேவையில்லாமல் பெண் கருவுறவும், கருக்கலைப்புச் செய்து உடல் பாதிக்கவோ வேண்டிய நிலை வராது!

- மஞ்சை வசந்தன்

Pin It

பப்பாளி (Carica papaya)

பப்பாளிப் பழத்தை உண்டுவர கருப்பை துப்புரவாகும்.  (கருவுற்ற பெண்கள் சாப்பிடக்கூடாது); கண்பார்வை தெளிவடையும்.

(தமிழக அரசு வெளியிட்ட 'இந்திய மருத்துவ முறைகள்' என்னும் நூலிலிருந்து)

Pin It