Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

தொடர்புடைய படைப்புகள்

rss gundasசாதியைத் தூக்கி
காதலைத் துரத்தும்
வேட்டைநாய் நீங்கள்தான்
அருவருப்பான அம்மணம்
தெரியுமாடா?

நள்ளிரவில் நடுக்காட்டிலும்
பயமறியா ரகசிய மென்னுணர்வு
ஊரறிய உங்கள் பற்களால்
பட்டப்பகலில் கிழிகிறதே
நியாயமாடா?

சின்னச் சினுங்கல்களும்
செல்லக் கோபங்களுமாய்
கொண்டாடும் வசந்தத்தில்
குத்தீட்டியை சொருகுவது
பெருமையாடா?

உங்கள் சீண்டலில்
மருளும் இம்மான்களின்
மனவலியும் வேதனையும்
புரியுமாடா?

முகர்ந்து அறியவும்
பாய்ந்து குதறவும்
உங்களைப் பயிற்றுவிக்கும்
வர்ணக் கயிறெது அறிவாயாடா?

இரையினைத் தேடும்
மிருகங்களின் நேர்மை
இறையினை போதிக்கும்
மிருகங்களிடம் இருக்குதாடா?

யோகி , சாது என்றால்
யோக்கியன் என்று
உன் மூட மூளையில் ஆணி அடித்த
கயவன் யாரடா?

ச்சீச்சீ
சாதியைப் புணர்ந்து
சாதியைச் சிந்தி
சாதியைப் பிரசவித்த
சாதிய வெளியில்...

சாதியை மென்று
சாதியைத் தின்று
சாதியைச் செரித்த
என் மகளின் அம்மணம்கூட
கம்பீரம் போடா!

- வெண்புறா சரவணன்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Comments   

0 #1 Neethimalar 2017-08-19 22:51
சிறப்பான கவிதை தோழர்
Report to administrator

Add comment


Security code
Refresh