கடக்கும் பாதையில்
நித்தம் ஒரு நெருடல்...
பக்கத்து இருக்கையில்
நடுத்தரவயது பெண்மணி.
ஈரமான விழிகளுடன்!!
பேருந்து நிறுத்தத்தில்
ஒவ்வொருவராய் கைபிடித்து உலுக்கும்.
காசுக்காக பச்சிளம்பிஞ்சு!
குரைத்துக் கொண்டே பின்வந்து
வாரியெடுக்கவா கோரிக்கை?.
தெருவோர நாய்க்குட்டி!
சொகுசான மாடி வீட்டினுள்ளும்
எட்டி பார்க்கத்தான் செய்கிறது!!
மெல்லியதொரு விசும்பல்!
வீசி எறியப்பட்ட
மல்லிகை மலர்கள் அனைத்தும்
காய்ந்து உலர்ந்தவை தானா??
