Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

கையெடுத்துக் கும்பிட்டவனைக் காணவில்லை
கால் கடுக்க காத்திருந்து வாய் கிழிய பேசியவனை
எங்கு தேடியும் கிடைக்கவில்லை
திறந்த வண்டியில் வெள்ளையும் சொள்ளையுமாக
முகமேந்தி வந்த கூட்டத்தை
கண்டு பிடிக்கவே முடியவில்லை
காசு கொடுத்தவன் கொடுக்க வந்தவன்
இடைத்தரகன் ஒருவனைப் பற்றியும் துப்பில்லை
கையை காட்டியவன் விரலைக் காட்டியவன்
ட்ரம்மைக் காட்டியவன் பூவைக் காட்டியவன்
கண்ணுக்கெட்டிய தூரம் வரை ஒரு பயலும் இல்லவே இல்லை
வீதி பிளந்து குழாய் போட்டு போட்டது போட்டபடியே
போனது ஒரு கூட்டம்
இந்த பக்கம் 30 வீடு அந்த பக்கம் 40 வீடு
புதருக்குள் பன்றிகளைப் போல தினமும்
வாயற்று கால் தின்கிறது
அள்ளவும் முடியாத சொல்லவும் இயலாத
மண் குவியல்கள் மத்தியில் எங்கள் வீதியில்
60க்கும் மேற்பட்ட படித்த பிணங்கள்
என்னையும் சேர்த்து...

சேற்றால் அடிக்கும் இவ்வாழ்வின் மத்தியில்
இந்த மழை வேறு......

- கவிஜி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh