Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

lovers 322இப்பூவுலகெங்கும்
நிரம்பிக் கிடக்கும்
மழை முத்தங்கள் உனது...

உனக்கான வாசலை
நீயே திறந்துவிடுகிறாய்
வைகறை அப்போது தான்
வெளியேறுகிறது...

உன் கோபம்
பாறையாய் உறைகின்றது
அதில் ஜீவனாய்
நிழல் விழுகின்றேன்....

உறங்கும் பொழுது
எண்ணங்களைக் கழற்றி
இனிமேலேனும்
பத்திரமாக வைத்துக் கொள்
ஒவ்வொரு முறையும்
இரவு விடிந்துவிடுகிறது...

அந்த உயரத்திற்கு
இந்தப் பார்வையொன்று
போதுமானதாய்
கண்டதும் புன்னகைக்கும் நொடி
தளும்புவதை
எப்படி விரும்புவேன்?!
நிரம்புவதைத் தவிர்....

நீ பிரிந்து செல்லும்
நாட்களில்
உருவானவை தானா
அத்தனை தனித் தீவுகள்...

காத்திருக்கும் போது
கனிகின்றதா மௌனம்
பேசுகின்றாய்
என்னைச் சுற்றிலும்
அணில் விளையாட்டுக்கள்...

காதலில் நீ சிகரம்
உன்னளவில்
தோள் வரை நிற்பதே
என் சாதனை....

- புலமி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh