வட அல்மக்ரொவிலிரிந்து அவன்
நொறுங்கிய தணல் கொண்டு வந்தான்
வெடிப்பிற்கும் சூர்ய மறைவுக்கும் நடுவே
நிலபரப்பின் மீது இரவும் பகலும்
அவன் குனிந்திருந்தான் ஒரு வரை படத்தில் உள்ளதென
முட்களின் நிழல் நெருஞ்சியின் மெழுகின் நிழல்
ஸ்பானியன் தன் வாள் உருவினைக் காண்கின்றான்
நிலபரப்பின் துயர் உபாயங்களென
இரவு பனி மணல்
என் மெலிந்த நிலத்தின் உருவை வடிக்கின்றன
அதன் நீண்ட எல்லை தோறும் மௌனம்
அதன் கடற் சிப்பிகளின் மேலுள்ள
செதிலில் இருந்தும் நுரை வழியும்
நிலக்கரி அதனை மர்ம முத்தங்களால் மூடும்
தனலெனத் தங்கம் அதன் விரல் எரிக்கும்
வெள்ளி ஒரு பச்சை நிலவாக
அதன் ஓசையற்ற தாவரத்தின் பழுத்த நிழலினை
ஒளிரச் செயும்
ஒலிவ் எண்ணெய் அருகில் ஒயினின் அருகில்
புராதன வாளின் அருகில் ரோசாவின் அருகில் காணும்
ஸ்பானியன் கடல் கழுகின் பிணத்தில் இருந்து
பிறந்தவன் ஆதலால் பித்தக் கல்லின்
இம்முன் புறம் குறித்து அறியாதவன்
- பாப்லோ நெருடா
தமிழில்: ரா பாலகிருஷ்ணன்
