நடிகரின் கட் அவுட்டுக்கு
பாலாபிஷேகம்,
ரசிகனின் வீட்டிலோ
பட்டினிப் போராட்டம்,
சுகத்தில் மிதக்கும் தலைவன்
தீயில் குளிக்கும் தொண்டன்,
நீக்கமற நிறைந்திருக்கும்
மதுக்கடைகள்
நிரந்தரமாய்க் குடித்தழியும்
குடிமக்கள்
வழித்தடத்தைத் தேடுகின்ற
வாழ்வினங்கள்
வந்த வழியையே மறந்து போன
மனித மனங்கள்
லஞ்சத்தில் உண்டு கொழிக்கும்
அதிகாரிகள்
உச்சகட்ட ஊழலிலே
அரசியல்வாதிகள்
கடத்தலும், கற்பழித்தலும் இங்கே
அன்றாட நிகழ்வுகள்
குண்டு வெடிப்பும், கொலைகளும்
தொடர்ந்திடும் தொடர் கதைகள்.
படிக்கப்போகும் இடத்தில் கூட
பாலியியல் பலாத்காரம்
வேலியே பயிரை மேயும்
விந்தை கண்டீரோ?
குழந்தைமுதல் கிழவிவரை
பாதுகாப்பிலாப் பெண்ணினம்
காசு கொடுத்து ஓட்டு வாங்கும்
பண்டமாற்று முறை
கசடில்லாச் சமுதாயம் மலர
வருமோ ஒரு மாற்று முறை
- லலிதா சிதம்பரம், மதுரை.