Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

அதிசய ஆச்சரியமாய் இன்று அந்த
ஆலமர மேடை பின்புறம் தென்படும்
சிறுவனை
ஜாக்கிரதையாய் அணுக வேண்டும்
நீங்கள்,

ஏனெனில் பாதியில் தடை ஏற்படுத்தியதற்காய்
அவன் கை விளையாட்டுக் கருவி அம்பொன்று
வேகமாய் பாய்ச்சப்படலாம்
உங்கள் மீது,

குளுகுளு வீட்டுச்சயன விலக்கு
சூழ்நிலையும்
அம்பினை மேலும் கூர் தீட்டலாம்,

இது போல் கற்குவியல் பின்னிருந்த ஒரு
சிறுவனிடம் தான் அன்றொருநாள்
என் வாழ்வின் சிறந்த போழ்துகளில்
பரந்து விரிந்த வான் சுற்றும்
காற்றாடி
வித்தை கற்றேன்

சித்திரை வெயிலையும்
ஐப்பசி மழையையும்
அலட்சியப்படுத்திய சிறார்
பருவமது,

வெக்கையையும் குளிர்ச்சியையும்
விரும்பி ஏற்கும் வெற்றுத்தோள்கள்
எம் வசமிருந்தன,

நுனி விரல் அழுத்தம் தவிர்த்து
வேறேதும் இல்லை,
இத்தலைமுறையில் ...

கோதும் விரல்களும்
தடவும் கைகளுமின்றி
ஆளரவமற்ற வீதிகளில்
புழுதி படிந்து கிடக்கிறது
என் பால்யம்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh