Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

 

வாழ்நாள் முழுதுமுன்னை

தூக்கிச் சுமக்கட்டுமா

உன்னுயிருக்குக் கவசமென

என்னையே ஆக்கட்டுமா

உன் சுட்டுவிரல் காட்டும்

பொருட்களையெல்லாமுனக்கெனவே

வாங்கிக் கொடுக்கட்டுமா

கடல்பரப்பு அளவென்றாலும் சரி

உனதாசைகளையெல்லாம்

யோசித்துப் பட்டியலிட்டு

மனதில் சிம்மாசனமிட்டிருக்கும்

மகாராணியே சொல்லென்றேன்

 

புன்னகைக்கும் உதடுகளில் சிணுங்கி

அகிலத்து மரங்களையெல்லாம்

பட்டியலுக்குத் தாளாக்கவேண்டுமோவென

எண்ணச் செய்து என்

மேலுதட்டில் வியர்க்கவைத்து பின்

மெதுவாகச் சொன்னாய்

'அடைய வேண்டுமென்ற ஆசை

ஏதுமில்லை உன்னைத்தவிர'

என் வாழ்நாள் முழுவதற்கும்

நான் வாழ்ந்திடவும்

நீ மட்டும் போதுமடி என் காதல் சகியே

 

- எம்.ரிஷான் ஷெரீப், மாவனல்லை, இலங்கை. (இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)

 

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Comments   

0 #1 punithan 2009-08-22 12:09
kathal poet RISHAN innum neeeeeeeeeeriya aaaa poem yaluthanum. natugla konjum vanmurai koriunum samy.
Report to administrator
0 #2 இராமசாமி ரமேஷ் 2012-04-19 15:10
அழகான வார்த்தைப் பிரயோகங்கள் உதிர்க்கப்பட்டு ள்ள கவியாகியுள்ளது அண்ணாவின் வரிகள். வாழ்த்துக்கள்
Report to administrator

Add comment


Security code
Refresh