Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

விதவிதமாய்
உன் சித்திரங்கள் வரைந்து
மாட்டி வைத்திருக்கிறேன்
என் மன அறையில்.

எனை அறைந்த
உன் சொற்கள்தான்
ஆணியாய்த் தாங்கி நிற்கிறது.

நீ மென்சொற்களை உதிர்க்கும்
ஒவ்வொரு முறைக்கும்
சுவற்றில் அழுந்தப் பதிந்த
ஆணியின் பிடி படிப்படியாகத் தளர்ந்து
ஒவ்வொரு படமாய்
கீழே விழுந்து நொறுங்குகிறது.

அப்போதெல்லாம்
எவ்வித அங்கீகரிப்போ
நிராகரிப்போ இன்றி
உடைந்து கிடக்கும்
கண்ணாடிச் சில்லுகள் மீது
ஒரு இசையாகப் பயணித்தே கிடக்கிறது
உனை வரமாகப் பெற்ற
என் மன அறை.

- வான்மதி செந்தில்வாணன்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh