*
படி வழியே இறங்கும்
அமைதியான நீரை ஒத்திருக்கிறது
உன் பாதங்கள்
அவைகளை
இரவின் மதில் சுவரிலிருந்து
ஒரு ஜோடி பச்சைக் கண்கள்
சாம்பல் நிறமெனக் குறிப்பெடுக்கின்றன
பஞ்சுப் படுக்கையின் மேல்
உன் பாதங்கள் ஒரு இறகைப் போல மிதக்கின்றன
என் கனவில்
நம் ரதத்தில் சரியும் சக்கரங்களை
இட்டுச் செல்லும்
கால் தடங்கள்
ஒற்றையடிப் பாதையினூடே
உன்னிடமே
வந்து சேர்கிறது
இடுப்புயர நாணலின் வெட்கத்தில்
இடம் மாறும் இதயம்
அடுக்கடுக்காய் அவிழச் செய்கிறது
துரோகத்தின் சாயலை
பிரியத்தின் பதற்றத்தை
மௌனத்தின் கசப்பை
பிறகு
வடிந்து போன மிச்சமென
தேங்குகிறது
கொசு மொய்க்கும்
ஒரு வார்த்தை
*****
--இளங்கோ ( இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும். )
