வானுயர்ந்த கண்ணாடிக் கட்டிடங்கள் ‡ வாழ்க்கை
தொலைந்து போகும் கருஞ் சிறைகள்
வயிறு வரை தொங்கும் கழுத்துப்பட்டை கெளரவம் ‡ ஒரு
நாள் மறந்தால் உள்ளே அனுமதி மறுக்கும் கேவலம்
சுற்றிலும் பராமரிக்கப்படும் அழகு ‡ பார்வை
கணினியைத் தாண்டாது, பிறகு?
சுழலும் நாற்காலியின் சொகுசு ‡ முதுகுத்
தண்டை பதம் பார்க்கும் பிறகு
இணையத்தினால் கைக்குள் உலகம் ‡ ஆனால்
பக்கத்தில் இருப்பவனுக்கு மின்னஞ்சல்
உடல் உழைப்பின் அசதியில்லை ‡ நெஞ்சு
சட்டென்று நின்று போகும் வரை, பயமில்லை
வேண்டிய மட்டும் பணம் ‡ அள்ளி
அள்ளிக் கொடுத்தாலும் திரும்பாத காலம்
ஆயிரத்து ஐநூறு ரூபாய்க்குச் சட்டை ‡ முப்பைந்தைந்து
வயதில் தலை முழுதும் சொட்டை
ஐம்பது லட்சத்தில் வசதியாய் வீடு ‡ படுக்கை
அறை தெரியாது, அசதியாய் வரும்போது
வெள்ளைக்காரனின் பெயர்கள் மனப்பாடம் ‡ மனைவி
மக்களின் பெயர் மறந்து போகும்
விலையேற்றத்துக்கான பிரதான காரணமென்று
தூற்றும் ‡ இருந்தும்
ஒட்டு மொத்த சமுதாயமும் கூடிச் சுரண்டும்
