வெறி பிடித்த நாய்கள்
என் வீட்டு பளிங்குத் தரையை
அசிங்க மாக்குகின்றன
தடித்த குரலெழுப்ப முனைகையில்
மரண பீதி
ஒற்றனைப் போல் அடைக்கிறது
நெஞ்சுக் குழியை
தப்பிக்கத் தவ்வும் எனது கால்களோ
ஒரு பைத்தியக் குள்ளனைப் போல்
இடறி விழுகின்றன.
கருத்த மேசைக்கடியில்
மெய்விதிர்த்து ஒளிய யான்
தொடை நழுவுகின்றன கழிவுகள்.
நா விளாசி புணர்ந்த
இரக்கமற்ற ஞமலிகள்
கோரைப் பற்களை நீட்டி
கொழுத்த என் மார்புச் சதைகளை
குதப்பிக் கொண்டு
வெளியேறிய பின்னும்
தலைக்கு மேல்
காளி
உக்கிரத்தில்
நர்த்தனம் ஆடுகிறாள்.