அவனால் மட்டுமே முடியும்
பன்னீர்
அவன் நிலங்களை
மாரி வந்து
மறுபரிசீலனை செய்யவில்லை
ஆனால் -
வரியை மட்டும்
வசூலிக்கத் தவறவில்லை
உலகின் பசி போக்கவே
உயிரையும் சேர்த்து விதைக்கிறான்
ஆனால் -
அவனால் கணக்கிட முடியவில்லை;
எத்தனை இரவுகள்
பசி உண்போம் என்று
ஒருவேளை அவன்
இடையில் சுற்றியிருக்கும்
ஈரத்துணிகளுக்குத் தெரிந்திருக்கலாம்
ஆற்றில் துவைத்து
ஆதவனால் உலர்த்தப்படுவன அல்ல
அவனின் கச்சைகள்;
வியர்வையில் நனைந்து
பசித்த வயிற்றின் உஷ்ணத்தால் உலர்த்தப்படுகின்றன
நிலவுக்குப் போய்வர
நீளமாய் ஒடந் செய்து
நீந்துகிற விஞ்ஞானிகளே
விவசாயத்தைக் காப்பாற்றுங்கள்;
அது உங்களால் முடியாது .
நீங்கள்
விவசாயிகளைக் காப்பாற்றுங்கள்;
அது அவனால் மட்டுமே முடியும்.
|