 |
கவிதை
கேள்விதானோ...
தங்கம்
நம்முடைய விருப்பங்களை
தடுத்தாள்வது எது
நம்முள் மூழ்கிடாமல்
தற்காத்துக் கொள்வது
எதன்பொருட்டு
நம் சந்திப்புகள் தொடர
சொல்லக் கூடாத உண்மை அல்லது
தெரிய கூடாத பொய் எது
மௌனத்தை
பிரித்துக்கொள்ளமுடியாதபடி
கட்டப்பட்டிருக்கிறோம்
எப்பொருளால் .
புறக்கணிப்பு
பற்றிக்கொள்கிறது தனிமை
திணிக்கப்படுகிறது அச்சம்
மறிக்கப்படுகிறது பாதைகள்
தொடர்கிறது சீண்டல்கள்
அவமதிக்கப்படுகிறது இருப்பு
முறிக்கப்படுகிறது
காலத்துடனான உறவு
- தங்கம் ([email protected])
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
|
 |
|