 |
கட்டுரை
கணிப்பு
மாறன்
தரையில் கால் பாவாது
வித்தை காட்டியும்
காசு பெயராது
கவலை கொண்டவன்
மிதிவண்டியை
அமைதியாக்கி
அடுத்த அஸ்திரத்தைக்
கையிலெடுத்தான்
ஆடையற்ற வெற்றுடம்பை
கிடத்தினான்
தரையில் படர்ந்திருந்த
டியூப்லைட் குவியலில்
உணவருந்தா வயிறு
உள்வாங்கிக்கொள்ள
உடையத் தொடங்கிய
எந்தவொரு விளக்கின்
சத்தத்துக்கும் சலனமற்றிருந்தான்
முடிவாய் எழுந்தவன்
கையேந்தியபோது
உதிரத் தொடங்கியிருந்தன
உடலில் ஒட்டியிருந்த
உதிரம் படிந்த கண்ணாடிச் சில்லுகள்
இந்தமுறை அவன்
கணிப்பு தப்பவில்லை
சாகசக்காரன்
தெரிந்து வைத்திருந்திருக்கிறான்
ரத்தம் பார்த்தால்
இரக்கம் பிறக்கும் வித்தையை
- மாறன்
இவரது மற்ற படைப்புகளைக் காண இங்கே அழுத்தவும்
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
|
|
|
