 |
கட்டுரை
ஒன்றுமற்ற ஒன்று
இளம்பிறை
நீ எதற்கும் சிரமப் படுவதில்லை என்றாலும்
எதற்கோ சிரமப்பட்டு கொண்டுதானிருக்கிறாய்
உன்னை யாரும் தொந்தரவு செய்யமுடியாதென்றாலும்
யாரோ தொந்தரவு செய்துகொண்டுதானிருக்கிறார்கள்
உன்னை யாரும் எமாற்றமுடியாதென்றாலும்
நீ தினமும் எமாந்து கொண்டுதானிருக்கிறாய்
எங்கும் வரவிரும்பாத உன்னைத்தேடி
எல்லாம் வந்துவிடுகின்றன.
எதிர்பார்ப்புகள் தீர்ந்த உறவில்
வாழவிருப்பமென சூழ்ந்துநிற்கும்
எதிர்பார்ப்புகளிடம் புலம்புகிறாய்
ஒன்றுமற்ற ஒன்று
கவ்விப் பறக்காதா என காத்திருகிறாய்
கவ்விப் பறந்து அத்துவானத்தில் வைத்து
குதறி குடல் இழுக்கையில்
பதறி திரும்பி விடுகிறாய்
ஒன்று செய்ய விரும்பாத உன்னை
எதோ செய்து தொலைக்கும்படியான
நெஞ்சின் நிர்பந்தம் சபித்தபடி...
உட்கார்ந்து ஊஞ்சாடுகிறாய்
இவரது மற்ற படைப்புகளைக் காண இங்கே அழுத்தவும்
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
|
|
|
