காக்கை நாயை சுட்டால் - தினம்
காக்கவரும் மிருகவதை சட்டம்!
தமிழனை சுட்டான் சுடுகின்றான்!
தமிழர்தம் வீரமிங்கே வீழ்ந்ததுகாண்!

உலகம் எல்லாம் பரவிக்கிடந்து - நீ
உலகம் உயரநல் உறுதிகொடுத்து
மொழிக்கு மூலம்தந்த தமிழ்
ஆழிப் பேரலையாய் ஆர்ப்பரிப்பது என்றோ!

இந்து, முகமதியர், கிருத்துவர்
என்றோர் பிரிவு இனியில்லை,
எல்லாம் தமிழே ! எங்கும் தமிழர்
என்றோர் உறவே நிலைஇங்கே!

தமிழன் தேசம் தமிழன் உடமை நாம்
தவறி எண்ணுவது தமிழர் மடமை!
மொழியின் ஆக்கம் விழியின் கூறு
எழுவாய் தமிழா இதுஉன்தேசம்!

தமிழனைசுட்டு தண்ணீரில் விட்டான் - நம்
கீழைக்கடல் முழுதும் ரத்தம்!
முடிவின்றி தொடரும் மூடர்செயல்
முடித்து மகிழ்வோம் வா தோழா!