Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
KeetruLiteraturePoem
கட்டுரை

முல்லை வனத்தினிலே!...
தொ. சூசைமிக்கேல்


Flowers park முல்லை வனத்தினிலே - வைகறையில்
         மொட்டு மலர்ந்ததடி!
கொள்ளை அழகினிலே - நெஞ்சை அது
         கோடி கவர்ந்ததடி!

காலைப் பொழுதினிலே - முல்லையெழில்
         கண்ணைப் பறிக்கையிலே
சோலை முழுக்கவுமே - புத்தம் புது
         சொர்க்கம் விளைந்ததடி!

வீசிடும் தென்றலிலே - நறுமணம்
         வீசிய முல்லைகளால்
நாசியும் காற்றுதனை - மணத்தொடு
         நன்கு முகர்ந்ததடி!

வண்டுகள் பல்வகையும் - வனப்புறு
         வண்ணத்துப் பூச்சிகளும்
கண்டு களித்தபடி - தேனை உண்டு
         காதல் புரியுதடி!

பள்ளிச் சிறுவரெலாம் - வந்து வந்து
         பார்த்து மகிழ்வது பார்!
மெல்லிய நல்லிதழைத் - தொட்டுத் தொட்டு
         மேனி சிலிர்ப்பது பார்!

மாதர் குலங்களெல்லாம் - மலர் கொய்து
         மாலை தொடுப்பது பார்!
வேதப் புரோகிதரும் - அர்ச்சனைக்கு
         வேண்டிப் பறிப்பது பார்!

போற்றுதமிழ்ப் புலவோர் - பொங்கிவரும்
         பூமணத் தாக்குதலால்,
சாற்றுகவி புனைந்து - கற்பனைக்குள்
         தாவிக் குதிப்பது பார்!

எத்திசையும் கவர்ந்தே - எவ்வுயிர்க்கும்
         இன்பம் பயப்பனவாய்
இத்தரையில் மலரும் - பூக்கள் புகழ்
         என்னென்(று) உரைப்பதடி!

நல்ல தலைவர்களும் - உலகிடை
         நற்றமிழ் வித்தகரும்
முல்லை இனத்தவரென்(று) - இயம்பிடல்
         முற்றிலும் உண்மையடி!

பூமியில் நல்லவர்கள் - முல்லைகளைப்
         போன்றவர் என்போமடி!
நாமிதை நன்குணர்ந்தால் - உலகெங்கும்
         நன்மை மணக்குமடி!

- தொ.சூசைமிக்கேல் ([email protected])

இவரது மற்ற படைப்புகளைக் காண இங்கே அழுத்தவும்


நண்பருக்கு இப்பக்கத்தைப் பரிந்துரைக்க...

படைப்பாளிகளின் கவனத்திற்கு...

கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.


Tamil Magazines
on keetru.com


www.puthuvisai.com

www.dalithumurasu.com

www.vizhippunarvu.keetru.com

www.puratchiperiyarmuzhakkam.com

http://maatrukaruthu.keetru.com

www.kavithaasaran.keetru.com

www.anangu.keetru.com

www.ani.keetru.com

www.penniyam.keetru.com

www.dyfi.keetru.com

www.thamizharonline.com

www.puthakam.keetru.com

www.kanavu.keetru.com

www.sancharam.keetru.com

http://semmalar.keetru.com/

Manmozhi

www.neythal.keetru.com

http://thakkai.keetru.com/

http://thamizhdesam.keetru.com/

மேலும்...

About Us | Site Map | Terms & Conditions | Donate us | Advertise Us | Feedback | Contact Us
All Rights Reserved. Copyrights Keetru.com