டங்கன் பில்சன் கையில் வைத்திருப்பது பாலித்தீன் காகிதமல்ல; அது ஒலிபெருக்கி. வார்விக் பல்கலைக்கழக இஞ்சினியராகிய டங்கன் உருவாக்கியிருக்கும் இந்த ஒலிபெருக்கியின் தடிமன் வெறும் கால் மில்லிமீட்டர் மட்டுமே. இதை எங்கு வேண்டுமானாலும் ஒட்டிவிடலாம். கூரையில், கார் கதவில் மறைவாக அல்லது சுவரில் காலண்டர் மாதிரியும் தொங்கவிட்டுக்கொள்ளலாம்.

பெரிய பீப்பாய் மாதிரி இருக்கும் ஒலிபெருக்கிகளெல்லாம் இதன் துல்லியத்துடன் தோற்றுப்போகும் என்கிறார். பேருந்து நிலையம், ரயில் நிலையம் போன்ற இடங்களில் தகவல் அறிவிப்புகளைச் செய்ய இது மிகவும் பயனுள்ளதாக இருக்கும் என்றுதான் இவர் இதைக் கண்டுபிடித்தார். ஆனால் இதன் எளிமை, கவர்ச்சி மற்றும் துல்லியம் வேறு உபயோகங்களுக்கும் ஆகும் என்று தோன்றுகிறது.

- முனைவர். க. மணி, பயிரியல்துறை. பி எஸ் ஜி கலை அறிவியல் கல்லூரி. கோயம்புத்தூர்