பலமுறை பார்க்கத்தூண்டும்
உனது டீஷர்ட்களில் இருக்கும்
வரிகள் எப்போதும்
மறந்துவிடுகின்றன

***

எப்போதும் மன்னிக்கும்
இடத்தில் இருக்க எனக்கு
விருப்பமில்லை

****

வெளி மாநிலங்களில்
சுற்றித்திரிகையில்
எதேச்சையாகத் தென்படும்
தமிழ்ப் பெயர்ப்பலகைகள்
எதிர்பாரா நேரத்தில்
எனை வியப்பிலாழ்த்தும்
உன் திடீர் வரவை
ஞாபகப்படுத்துகின்றன.

****

ஏதேனும் ஒரு
தவறாவது செய்வேன்
எனக் காத்திருக்கிறாய்

*****

ஒரு
கனியைக் கூடத் தடுக்க இயலாத கடவுள்
இருந்து என்ன பயன் ?!

*****

அவர்கள் குடிக்கும்
ஒரே ஒரு கோப்பை
காப்பிக்காக
அந்த மேசை எல்லாவற்றையும்
தாங்கிக்கொள்கிறது

*****

பிரமிளிடமிருந்து
பிரிந்த கவிதை ஒன்று
அனைவர் வாழ்விலும்
ஏதோ ஒன்றை
எழுதிச்செல்கிறது
எக்காலமும்.

- சின்னப்பயல் ( இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)

Whatsapp