தினமும் பிணத்தை
எதிர்நோக்கி அதை
வெளிச் சொல்லவியலாத
வெட்டியானின் புழுக்கம்
உன் வருகையை
நோக்கிய எனதும்.

-

இந்தப் பரிசுப் பொருட்களை எல்லாம்
நீ திரும்பக் கொடுக்கும்போது
எவையும் என்னைத் தைக்காத வகையில்
தேர்ந்தெடுத்திருக்கிறேன்

-

எதிலும் முதல்
என்பது
கடைசி வரை
ஞாபகத்தில் இருக்கிறது

-

ஒவ்வொரு முறையும்
எனை நீ
விலக்கும்போதும்
மீளச்சேர்வாய் என்ற எண்ணமே
என்னை உயிர்ப்புடன்
இருக்க வைக்கிறது

- சின்னப்பயல் ( இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)

Whatsapp