இப்போதெல்லாம் அதனைப்
பிறர் முன்னிலையில்
எடுத்துக் கொள்ள
நாணப்படத் தேவையில்லை
குளியலறைப் பொருட்களோடு
அவையும் அடுக்கித்தான்
வைக்கப்பட்டிருக்கின்றன
அலங்கார விளக்குகளோடு
எனினும் அந்தக்கடைக்காரன்
பில் போட்டவுடன்
கருத்த பிளாஸ்டிக் பையில்
தனியாகப் பொதிந்து
கொடுப்பது மட்டுந்தான்
என்னை என்னவோ செய்கிறது.
- சின்னப்பயல் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)
