Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

கொஞ்சமாவது
மிச்சப்பட்டிருக்கட்டும்
ஆகாயப்பறவைகள்
மீண்டும் வருவார்கள்

அன்னியப்பறவைகளுக்கும்
தெரிந்திருக்கிறது
உன் கூடு
வாசலற்றதென்று

பொரிப்பதற்கான
முட்டைகளை
உடைத்தெறியும் வலி
இப்போது மட்டும்தான்

மரபணுக்கள்கூட
உனக்கானது
உன்னிடமே இருக்கட்டும்
அல்லது

வரப்போகும் ஒரு நாளில்
உன் குஞ்சுகளை
அவர்கள் கவ்விச் செல்வார்கள்
நீ உன் கூட்டைச் சிதைப்பாய்

ஆகாயப்பறவைகள்
ஏமாற்றத்தின் கவிதைகளை
வெண் மேகங்களில்
எழுதிவிட்டுச் செல்வார்கள்

மேகங்கள் நெடுங்காலம்
அழுதுகொண்டிருக்கும் ....

அதனால் உனக்கானதாய்
கொஞ்சமாவது
மிச்சப்படுத்திக்கொள்....

ஆகாயப்பறவைகள்
மீண்டும் வருவார்கள் ..

- கலாசுரன் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh