periyamuz logo

கோபியில் பிப்.28 அன்று திராவிடர் விடுதலைக் கழகம் நடத்திய பார்ப்பன மதவாத எதிர்ப்பு மாநாட்டில் மனித நேய மக்கள் கட்சியின் பொதுச் செயலாளர் அப்துல் சமது ஆற்றிய உரை: (சென்ற இதழ் தொடர்ச்சி)

இன்றைக்கு ‘பாரதமாதா கி ஜே’ எனும் கோசம் போடும் ஆர்.எஸ்.எஸ் பார்ப்பன காவிக் கும்பலை பார்த்துக் கேட்கின்றேன், இந்த பாரதமாதா அடிமை சங்கிலியால் கட்டப்பட்டு கிடந்தபோது அதை உடைப்பதற்கு நாட்டு விடுதலைக்குப் பாடுபட்ட போரிட்டவர்களில் எத்தனை பேர் ஆர்.எஸ்.எஸ் பார்ப்பன காவிக்கும்பல்கள்? ஒருவர் கூட இல்லையே!

விடுதலைப் போராட்டத்தில் பங்கு பெறாத ஆர்.எஸ்.எஸ் கும்பல், பார்ப்பனக் கும்பல் இன்றைக்கு இந்தியாவின் ஆட்சிப் பீடத்தில் அமர்ந்து இருக்கிறது என்றால் அதற்குக் காரணமான பார்ப்பனீயம் ஒடுக்கப்பட்டிருக்கிறதா அல்லது நசுக்கப்பட்டிருக்கிறதா? எனக் கேட்கிறோம். இந்த கும்பலுக்குதான் இன்றைக்கு தேசபக்தி பீறிட்டு கொண்டு வருகிறது.

விடுதலைப் போராட்டத்தில் கலந்து கொள்ளாதது மட்டுமல்ல காட்டிக்கொடுத்தது இந்தப் பார்ப்பனக் கூட்டம் தான். வாஜ்பாய் உள்ளிட்டவர்கள் மன்னிப்பு கடிதம் எழுதி கொடுத்தார்கள். ஜவஹர்லால் நேரு சிறையில் இருந்த போது உலக வரலாற்றை எழுதினார். ஆர்எஸ்எஸ் அமைப்பை உருவாக்கிய சாவர்க்கர் மன்னிப்புக் கடிதங்களை எழுதினார். “என்னை விடுவித்தால் வெள்ளைகார அரசிற்கு முழு ஒத்துழைப்போடு இருப்பேன். உங்களுக்கு எதிராக செயல்படும் இளைஞர்களை மனம் திருத்தி உங்களுக்கு ஆதரவாளராக மாற்றி தருவேன்” என்று கடிதம் எழுதிக் கொடுத்து வெளியே வந்த துரோகிகள் தான், இந்த பார்ப்பனக் கும்பல்.

நாட்டைக் காட்டி கொடுத்த ஆர்.எஸ்.எஸ்.காரர்கள் இன்றைக்கு ஆட்சியில் வந்து அமர்ந்து கொண்டு ‘பாரத்மாதாக் கி ஜெ’ என கூச்சலிடுகின்றனர். கோழைத்தனமாக மன்னிப்பு கடிதம் எழுதிய ஆர்.எஸ்.எஸ் தலைவர் அவர்களை வீரசாவாக்கார் என தூக்கி பிடிக்கிறது பார்ப்பனீயம். இந்த நாட்டில் கொடூரமான வன்முறை சித்தாந்தம் எது என்று சொன்னால். அது பார்ப்பனீய சித்தாந்தம்தான். அதைத்தான் இந்த மண்ணில் மீண்டும் நிலை நிறுத்த பா.ஜ.க. முயல்கிறது. மதத்தின் பெயரால் கர்ப்பிணி பெண்களின் வயிற்றைக் கிழித்து அந்த சிசுவைக் கூட கொடூரமாக கொலை செய்து ஆட்டம் போட்ட, மனித நேயமற்ற வன்முறைக் கூட்டம் தான் பார்ப்பனீயம். இதை நாம் வேரோடு சாய்த்தாக வேண்டும்.

முகலாயர்கள் நீண்ட வருடங்கள் இந்த நாட்டை ஆண்டனர். அந்த ஆட்சி சரியான ஆட்சியா? என்பதில் எங்களுக்குப் பல கருத்து வேறுபாடுகள் உள்ளன. ஆனால் அந்த ஆட்சியில்கூட இந்து முஸ்லீம்கள் இடையில் மதக் கலவரம் ஏற்படவில்லை. இந்து முஸ்லீம் மன்னர்களுக்கு இடையே பல போர்கள் நடைபெற்றிருக்கும். அது வெறும் மண்ணிற்கான போரே தவிர மதத்திற்கான போர் அல்ல.

சமூக நீதி சிந்தனையாளரான ஜோதிபாபுலே மராட்டிய மண்ணில் பார்ப்பனியத்திற்கு எதிராக மிகப்பெரிய பிரச் சாரங்களை மேற்கொண்டார். அதைப் பொறுத்துக் கொள்ள முடியாத பார்ப்பனீயம்தான் திட்டமிட்டு இந்து முஸ்லீம் இடையே கலவரத்தை தூண்டினர். 1893ல் புனேவில் நடந்தது தான் முதல் கலவரமாகும். அதற்கு முன்பு இந்து முஸ்லீம் இடையே எந்த கலவரமும் நடைபெறவில்லை. இது வரலாறு.

‘சுயராஜ்ஜியமே எனது பிறப்புரிமை’ என முழங்கிய பால கங்காதார திலகர் எனும் பார்ப்பனர்தான் ‘விநாயகர் ஊர்வலம்’ என்கிற பெயரில் ஒரு கலவர ஊர்வலத்தை சிறுபான்மை மக்களுக்கு எதிராக தொடங்கி வைத்தக் கொடூரன். இன்றைக்கு வரைக்கும் ‘விநாயகர் ஊர்வலம்’ என்கிற பெயரில் இந்த நாட்டில் திட்டமிட்டு ஒடுக்கப்பட்ட மக்களுக்கு எதிராக விஷ விதைகளை விதைத்து வரு கின்றன. இதற்கு பின்புலமாக இருந்து இயக்குவது பார்ப்பன ஆர்.எஸ்.எஸ் மதவெறிக் கும்பல். இதை தான் நாம் அம்பலப்படுத்துகிறோம்.

சட்டம் இயற்றும் சபையில், ‘ஒடுக்கப்பட்ட மக்களுக்கு பிரதிநிதித்துவம் வேண்டும்’ என்கிற குரல் எழுந்தபோது இந்த பார்ப்பன திலகர் தான் சொன்னார் - ‘சூத்திரர்கள் பஞ்சமர்கள் சட்டத்திற்கு கட்டுப்பட்டவர்களே தவிர அதை இயற்றும் சபைக்கு வருவதை என்னால் ஏற்றுக்கொள்ள முடியாது’ என்று சொன்ன யோக்கியர் தான் திலகர் . இவர்தான் ‘இந்துக்களின் ஒற்றுமையைப் பேசினார்’ என்று இன்று பார்ப்பனர் கூட்டம் சொல்கிறது. இதை மிகுந்த வருத்தத்துடன் புரட்சியாளர் அம்பேத்கர் பதிவு செய்தார்.

‘வர்ணாசிரம சனாதான தர்மத்தை தூக்கிப் பிடித்தவர் தான் பாலகங்காதர திலகர்’ என்ற உண்மையை நாம் உரக்க சொல்ல வேண்டும். அதுபோல் ‘இந்துத்வா என்பதை உருவாக்கியவர் வீரசாவர்க்கர்’ என்று பெருமை பேசு கிறார்கள். அவர் வீரசாவர்க்கர் இல்லை மாறாக கோழை சாவார்க்கர் வெறும் மன்னிப்புக் கடிதமாக எழுதி வெள்ளையர்க்கு அடிமையாகப் போனவர்.

1925இல் ‘ஆர்.எஸ்.எஸ். அமைப்பு’ டாக்டர் மூஞ்சே உள்ளிட்ட 5 டாக்டர்களால் உருவாக்கப்பட்டது. இவர்கள் அனைவரும் பார்ப்பனர்களே. 1931இல் இலண்டனில் வட்ட மேஜை மாநாடு நடைபெறுகிறது. மாநாட்டிற்கு ஒடுக்கப்பட்ட மக்களின் உரிமைகளை மீட்க புரட்சியாளர் அம்பேத்கர் செல்கிறார். முகமது அலி ஜின்னா, காந்தி உள்ளிட்டோரும் செல்கின்றனர். இவர்களுடன் ஆர்.எஸ்.எஸ். டாக்டர் மூஞ்சே தலைமையில் ஒரு பார்ப்பனக் கூட்டமும் சென்றது.

மாநாடு முடிந்தவுடன் அனைவரும் நாடு திரும்பி விட்டனர். ஆனால் ஆர்.எஸ்.எஸ். அமைப்பின் மூஞ்சேவும், அவருடன் சென்ற பார்ப்பனக் கூட்டமும், லண்டனிலிருந்து இத்தாலி சென்று முசோலினியை சந்தித்தனர். மனிதகுல விரோதியான முசோலினியிடம் பாசிச பாலபாடத்தை இவர்கள் கற்றுக்கொண்டு நாடு திரும்பினர் இது வரலாறு; யாராலும் மறுக்கமுடியாது. நாடு திரும்பிய டாக்டர் மூஞ்சே மராட்டிய மாநிலத்தில் உள்ள போல்தாரா என்ற பகுதியில் இந்து பாசிச வெறியை பயிற்சியளிப்பதற்கு ஒரு இராணுவக் கல்லூரியைத் தொடங்கினார்.

பின்னர் 1948இல் காந்தி படுகொலை செய்யப்பட்டார். கொலையாளிகள் நாதுராம் கோட்சே உட்பட 8 பேர்கள் அனைவரும் சித்பவன் பார்ப்பனர்கள். ஆர்.எஸ்.எஸ். காரர்கள் முக்கியமாக மூஞ்சேவின் இராணுவ கல்லூரியில் பயிற்சி பெற்றவர்கள். எனவே அன்றுமுதல் இன்றுவரை ஆர்.எஸ்.எஸ். அமைப்பின் தலைவராக இரண்டுமுறை தவிர்த்து இப்போதுள்ள மோகன் பகவத் உள்ளிட்ட அனைவரும் பார்ப்பனர்கள் என்பதுதான் மறுக்கமுடியாத உண்மை.

இந்த நாட்டின் 2004 முதல் 2008 வரை பல்வேறு இடங்களில் குண்டுகள் வெடித்தன. பல அப்பாவிகள் உயிர் இழந்தனர். உடனே பார்ப்பனக் கும்பல் குண்டுவெடிப்பை நிகழத்தியது இஸ்லாமியர்கள் தான் என்று பழியைத் தூக்கி போட்டனர். மாலேகான், அஜ்மீர் தர்கா, சம்ஜோதா ரயில் உள்ளிட்ட 16 இடங்களில் வெடித்த குண்டுகளின் பின்னனியில் இருந்தது யார் என்று பார்த்தால். அபினவ் பாரத் என்கிற அமைப்பு வி.டி.சாவர்க்கரின் உறவினர்களால் உருவாக்கப்பட்ட அமைப்பு இருந்தது. இந்த அமைப்பில் உள்ளவர்கள் தான் இந்தகைய குண்டு வெடிப்புகளை நடத்தியது. இதை நாம் சொல்லவில்லை. மராட்டிய மாநில தீவிரவாத தடுப்பு படையின் தலைவரான ஒரு நேர்மையான அதிகாரியான ஹேமந்த் கார்கரேதான் நாட்டிற்கு உண்மையைச் சொன்னார்.

குண்டுவெடிப்பு தொடர்பாக சுவாமி அசிமானந்தா மற்றும் ஒரு பெண் சாமியார் உள்ளிட்ட மூன்று பேர்கள் கைது செய்யப்பட்டனர். தங்களது சாயத்தை வெளுத்து உண்மையை கண்டுபிடித்து சொன்னார் என்கிற ஒரே காரணத்திற்காக நேர்மையான அதிகாரியான ஹேமந்த் கார்கரேவை சுட்டுக் கொண்றது பார்ப்பன மதவெறிக் கூட்டம். குண்டு வெடிப்பில் இந்திய இராணுவத்தில் பணியாற்றி புரோகித் என்பவரும் கைது செய்யப்பட்டார். இதன் மூலம் நாட்டைக் காக்கும் இராணுவத்தில் ஆர்.எஸ்.எஸ். ஊடுருவலை அம்பலபடுத்தியது இச்சம்பவம். அவரது லேப்டாப்பை கைப்பற்றி விசாரித்தபோது அதில் உள்ள செய்திகள் பயங்கரமான அதிர்ச்சிகரமானவை. எதிர் காலத்தை குறித்து ஒரு அச்சத்தை உருவாக்கக் கூடியவை.

அதில் இந்திய தேசியக் கொடியை நாங்கள் ஏற்றுக் கொள்ள மாட்டோம். காவிக் கொடிதான் எங்களுக்கு தேசியக் கொடி என்றும், அம்பேத்கர் உருவாக்கிய அரசியல் அமைப்பு சட்டத்தை மாற்றிவிட்டு இந்துக்களுக்கான ஒரு புதிய அரசியல் அமைப்பும் சட்டமும் இயற்றவேண்டும் போன்ற பல்வேறு தகவல்கள் பதிவாகி இருந்தது. அந்த இராணுவ அதிகாரி புரோகித் உத்தரவுபடிதான் நாட்டில் பல்வேறு பகுதிகளில் குண்டு வைத்து விட்டு அந்த பழியை முஸ்லீம்கள் மீது போட்டு, அப்பாவிகள் கைது செய்யபட்டனர்.

மேலும் ஆர்.எஸ்.எஸ். இராணுவ அதிகாரி புரோகித் கூறும்போது உலக நாடுகளின் ஆதரவை நான் வாங்கித் தருவேன் என்றும் இங்கு இராணுவ ஆட்சியைக் கொண்டு வரவேண்டும் என்று கூறினார். மேலும் இஸ்ரேல் மொசாத் அமைப்புடன் கூட்டுசேர்ந்து இந்த பார்ப்பன கூட்டம் நிகழ்த்தியக் கொடூரம்தான் இந்த குண்டு வெடிப்புகள். உண்மையை அம்பலபடுத்திய ஹேமந்த் கர்கரேயை கொலை செய்துவிட்டு அதை பாகிஸ்தான். தீவிரவாதிகள் செய்தனர் என திசை திருப்பிய கூட்டம் தான் பார்ப்பனர் கூட்டம்.

இந்து ராஜ்ஜியத்தை பார்ப்பன ராஜ்ஜியத்தை கொண்டு வர மிகப்பெரிய சதிதிட்டம் இன்றைக்கு நடந்துவருகிறது. அதற்கு மோடி ஆட்சி முயற்சிக்கிறது. எனவே ஒடுக்கப்பட்ட விளிம்பு நிலை மக்களின் ஒரே எதிரி - பார்ப்பனர்கள் மட்டுமே என்பதை நாம் புரிந்துகொள்ளவேண்டும். இடஒதுக்கீடு கூடாது என பீகார் தேர்தல் நேரத்தில் ஆர்.எஸ்.எஸ் தலைவர் மோகன் பகவத் சொன்னார்.

அந்த தேர்தலில் பீகார் மக்கள் மிக பெரிய சம்மட்டி அடியை பாஜகவுக்கு கொடுத்து பாடம் புகட்டியது. அந்த நம்பிக்கை எங்களுக்குத் தந்துள்ளது. ஆனால், பீகார் தோல்விக்குப் பிறகு இதே மோகன்பகவத் கூறுகிறார், ‘சமூதாயத்தில் ஏற்ற தாழ்வுகள் நீடிக்கும் வரை இட ஒதுக்கீடு நீடிக்கும்’ என்கிறார். இது தான் பார்ப்பன சூழ்ச்சி, நடிப்பு நரித்தனம். மதுரையில் அமித்சாவை கொண்டு வரச் செய்து தேவேந்திர குலமக்கள் வாயாலேயே எங்களுக்கு இடஒதுக்கீடு தேவை இல்லை. இடஒதுக்கீட்டால்தான் எங்கள் மீது சாதி தீண்டாமை திணிக்கப்பட்டுள்ளது என்று பெரியார் பிறந்த மண்ணிலேயே இட ஒதுக்கீடைக் குழிதோண்டி புதைக்க முயற்சி செய்கிறது பார்ப்பனக் கூட்டம்; அவர்களின் கனவு ஒருபோதும் பலிக்காது.

பெரியாரின் போர் முறைகளைப் பற்றி அண்ணா ஒருமுறை சொல்லும்போது பெரியாரின் போராட்டங்கள் சல்லிவேரை வெட்டுவது அல்ல அதன் ஆணிவேரை வெட்டுவது, மூல பலத்தையே அழித்து ஒழிப்பது எனக் கூறினார். பெரியாரின் போர்முறைகளை இன்றைக்கு வட மாநிலங்களில் உள்ள மக்களும் பயிற்சி செய்து பின்பற்ற தொடங்கிவிட்டார்கள்.

நம்து தலைவர் மணிஅண்ணன் மொழியில் சொல்ல வேண்டுமென்றால் ‘மெயின்சுவிட்சை ஆப்’ செய்வது ஆகும். அதை நாம் செய்ய வேண்டும். பார்ப்பனர்களின் மூல பலத்தை அழித்தொழிக்க நாம் அனைவரும் ஒன்று சேர வேண்டும்.

திப்பு சுல்தானை இப்போது மதவெறியன் என்று சொல்கிறார்கள். திப்பு சுல்தான் மதவெறியனா? இல்லை. திப்பு சுல்தான் பிறந்த நாளை நவம்பர் 20 அன்று கொண்டாடுவதற்கு கர்நாடக அரசு முயற்சி செய்தபோது இப்பார்ப்பனர் கூட்டம் திப்புசுல்தான் மதவெறியன் என்ற பொய்யான பிரச்சாரத்தைத் திட்டமிட்டு பரப்பி கலவரத்தை தூண்டி அக்கலவரத்தில் இருவர் படுகொலையும் செய்யப் பட்டனர். சமீபத்தில் திப்புசுல்தான் படத்தில் ரஜினி நடிக்க போகிறார் என்றவுடன் இங்குள்ள ராமகோபாலனும், இல.கணேசனும் துள்ளி குதிக்கிறார்கள். இப்போது ரஜினி நடிக்கவில்லை. அதற்கு பரிசாகத்தான் மோடி அரசு ரஜினிக்கு பத்மபூஷன் விருது கொடுத்துள்ளது.

திப்பு சுல்தான் மதவெறியர் இல்லை என்பதற்கு ஒரே உதாரணம், ஶ்ரீரங்கப்பட்டிணத்தில் பள்ளிவாசலும், கோவிலும் அருகருகிலேயே உள்ளது. திப்பு ஆட்சியில் பாதுகாப்பாக இருந்தன. திப்பு ஒரு மதசார்பற்ற மன்னன். மசூதிகளுக்கு மக்கள்தொகை அடிப்படையில் 10 சதவீதம் தான் நிதி ஒதுக்கி மீதம் 90 சதவீத நிதியைக் கோவிலுக்கு வழங்கினார். அந்த நிதியைச் சுரண்டித் தின்று கொழுத்த பார்ப்பனக் கூட்டம் பின்னாளில் அவரைக் காட்டியும் கொடுத்தது.

உழைக்காமல் ஆயிரக்கணக்கான ஏக்கர் நிலம் வைத்திருந்தவர்களுக்கு எதிராக சட்டம் போட்டார். உழைப்பவனுக்கே நிலம் சொந்தம் என சட்டம் போட்ட முதல் மன்னர் திப்பு சுல்தான்தான். தலித் மக்கள் நிலத்தைப் பார்ப்பனக் கூட்டம் அபகரித்தபோது அதைத் தடுத்து அந்த தலித் மக்களுக்கு நிலங்களைப் பெற்று தந்த மாமன்னர் திப்பு சுல்தான். ஒடுக்கப்பட்ட சமுதாயப் பெண்கள் மேலாடை அணிய தடை என்று சொன்ன பார்ப்பன நம்பூதிரிகளுக்கு எதிராக கொடுமைகளை எதிர்த்து உத்தரவு போட்டார் திப்பு சுல்தான்.

திப்பு சுல்தான் நினைத்திருந்தால் ஆங்கிலேயருக்கு அடிபணிந்து நிறைய சுகங்களைப் பெற்றிருப்பார். மாறாக இந்த நாட்டின் மீது பற்று கொண்டு வெள்ளை ஏகாதி பத்தியத்தை எதிர்த்து வீரமுடன் போராடியவரை இந்த பார்ப்பனக் கூட்டம் தேச துரோகி என்றும் மதவெறியர் என வும் பொய்யான அவதூறு பிரச்சாரத்தை செய்கின்றனர்.

குழந்தைகளுக்கு பெயர் வைப்பதைக் கூட, குறிப்பாக தாழ்த்தப்பட்ட மக்களுக்கு பேர் வைக்கும் போது பாவாடை, வள்ளிக்கிழங்கு, மண்ணாங்கட்டி என பெயர் வைத்து அம்மக்களை கேவலப்படுத்தியது பார்ப்பனீயம். ஆனால் பெரியார் ரஷ்யா போன்ற புரட்சிகர பெயர்களைக் குழந்தை களுக்கு வைத்து அழகு பார்தார். அவர்தான் பெரியார்.

காஞ்சி மக்கள் மன்ற நிகழச்சியை இணையத்தில் பார்த்தபோது என் கண்களில் நீர் வரச் செய்த சம்பவம் ஒன்று நடந்தது. அங்கு ஒரு குழந்தைக்குக் கொளத்தூர் மணி அண்ணன் அவர்கள் பெயர் வைத்தபோது என்ன பெயர் வைத்தார் தெரியுமா? தோழர்களே, காலமெல்லாம் பார்ப்பனர்களின் கொடுமைக்கு எதிராக போர்வாள் சுழற்றிய மாவீரன் திப்புசுல்தான் பெயரை வைத்தார்.

எனவே, பார்ப்பனர்கள் ஒன்றை புரிந்து கொள்ள வேண்டும். எங்கள் வாழ்நாளில் இனியும் நாங்கள் பொறுத்துக் கொண்டிருக்க மாட்டோம். பார்ப்பனரின் கொடுமைகளுக்கு அடிபணியமாட்டோம். அனைத்து மக்களையும் திரட்டி பார்ப்பனியத்திற்கு எதிராக மிகப்பெரிய பேராட்டங்களை முன்எடுப்போம், வெற்றி பெறுவோம் எனக்கூறி உரையை நிறைவு செய்தார்.

(நிறைவு)  

தொகுப்பு : மன்னை இரா.காளிதாசு

Pin It

உலக மக்கள் தொகையில் 33 சதவீதம் பேர் எந்த மதத்திலும் நம்பிக்கை இல்லாதவர்கள் என்று அண்மையில் சர்வதேச அடிப்படையில் எடுக்கப்பட்ட கணக்கெடுப்பு தெரிவிக்கிறது. ‘கால் அப் இன்டர் நேஷனல்’ ‘பேவ் ரிசர்ச் சென்டர்’ என்ற அமைப்புகள் இணைந்து, இந்த ஆய்வை மேற்கொண்டன. ‘கடவுள்’ மத நம்பிக்கையற்றவர்களாக வாழ்வதற்கு, இந்த நாடுகளில் எதிர்ப்புகள் ஏதும் இல்லை. நம்பிக்கையாளர்கள் இந்த சிந்தனையை அங்கீகரிக்கின்றனர் என்றும் அந்த ஆய்வு கூறுகிறது.

இந்த ஆய்வு தெரிவித்துள்ள தகவல்கள்: சீனாவில் 90 சதவீதம் பேரும், ஹாங்காங்கில் 70 சதவீதம் பேரும் மதநம்பிக்கையோ கடவுள் நம்பிக்கையோ இல்லாதவர்கள்.

முன்னாள் சோவியத் ஒன்றியத்திலிருந்து பிரிந்த நாடான ‘செக்’ குடியரசில் மொத்த மக்கள் தொகையில் 45 சதவீதம் பேர் கடவுள் மதங்களில் நம்பிக்கை இல்லாதவர்கள். 30 சதவீதம் பேர் நாத்திகர்கள். அதாவது கடவுள் - மதத்தை மறுப்பவர்கள். அய்ரோப்பிய ஒன்றியத்திலேயே அதிக எண்ணிக்கையில் கடவுள் மத நம்பிக்கையில்லாதவர்களைக் கொண்ட நாடாக செக் குடியரசு விளங்குகிறது.

ஜப்பான் நாட்டில் மதத்தை நம்புகிறவர்கள் மக்கள் தொகையில் 25 சதவீதம் பேர் மட்டுமே. 31 சதவீதப் பேர் மனிதருக்கு மேல் கடவுள் சக்தி ஒன்று இருப்பதாக தாங்கள் நம்பவில்லை என்று கூறியுள்ளனர். ஜெர்மனியில் மக்கள் தொகையில் 60 சதவீதம் பேர் தங்களை நாத்திகர்கள் என்றே அறிவித்துள்ளனர். இஸ்ரேலில் 57 சதவீதம் பேர் மத நம்பிக்கையற்றவர்கள்; 8 சதவீதம் பேர் நாத்திகர்கள்; இஸ்ரேலில் வெளியாகும் ஹார்டீஸ் (Haaretz) பத்திரிகை, இஸ்ரேலிய சமூகத்தில் நாத்திக சிந்தனை ஆழமாக பதிந்து நிற்கிறது என்று எழுதியுள்ளது.

ஆஸ்திரேலியா, சுவீடன், சுவிட்சர்லாந்து, கனடா, அய்ஸ்லேந்து மற்றும் தென்கொரியா நாடுகளில் வாழும் மக்கள் மதங்களைப் பின்பற்றுவதில் தீவிர ஆர்வம் காட்டுவது இல்லை. நார்வே நாட்டில் மக்கள் தொகையில் பெரும்பான்மையினருக்கு கடவுள் நம்பிக்கையே கிடையாது. கடவுள், மத நம்பிக்கையுள்ளவர்கள் வெகு அபூர்வமாகவே உள்ளனர். நார்வே நாட்டில் இது குறித்து ஆண்டுதோறும் கணக்கெடுப்பு நடத்தப்படுகிறது. “கடவுளோ மதமோ எனக்கு கிடையாது” என்று இவ்வாண்டு 4000 பேர் தெரிவித்தனர். இந்த நாட்டில் ஒவ்வொரு ஆண்டும் நடக்கும் கணக்கெடுப்பில் நம்பிக்கையாளர்கள் குறைந்து கொண்டே வரு கிறார்கள். சென்ற ஆண்டு, ‘இது பற்றி எதுவும் தெரியாது’ என்று கூறியவர்களும், ‘நம்பிக்கை உண்டு’ என்று கூறியவர்களும் இந்த ஆண்டு ‘நம்பிக்கை இல்லை’ என்று கூறியிருக்கிறார்கள்.

1985ஆம் ஆண்டு நடத்தப்பட்ட ஆய்வில் இதே நாட்டில் 50 சதவீதம் பேர் ‘கடவுள் நம்பிக்கை உண்டு’ என்று கூறினார்கள். நார்வேயில் இந்த ஆய்வை நடத்திய ‘இப்சோஸ்’ அமைப்பைச் சார்ந்த ஜேன்-பால்-பிரெக்கி’ (Jan-Paul-Brekke) இது பற்றி கூறுகையில்,

“30 ஆண்டுகளுக்கு முன், ‘கடவுள் இருக்கிறாரா’ என்பது எங்களுக்கு உறுதியாகத் தெரியாது” என்று கூறியவர்கள். இரண்டு ஆண்டுகளுக்கு முன்பு தங்களுக்கு கடவுள் மீது நம்பிக்கை இல்லை என்று கூறிவிட்டதாகத் தெரிவித்தார். நார்வே தலைநகரான ஓஸ்லோவில் 29 சதவீதம் பேர் மட்டும் தங்களுக்கு கடவுள் மத நம்பிக்கை இருப்பதாக தெரிவித்தனர். நார்வேயில் எந்த மதக் குழுவும் வலிமையாக செயல்படவில்லை” என்றும் அவர் கூறினார். ‘டைம்ஸ் ஆப் இந்தியா’ நாளேடு (மார்ச் 22) இந்த செய்தியை வெளியிட்டுள்ளது.

Pin It

உடுமலையில் தலித் பொறியியல் பட்டதாரி சங்கர் படுகொலையைத் தொடர்ந்து புதுக்கோட்டை ஆலங்குடிப் பகுதியைச் சார்ந்த வினோத் எனும் தலித் இளைஞரை காதலித்த பிரியங்கா என்ற இடைநிலைச் சாதியைச் சார்ந்த பெண்ணை அவரது குடும்பத்தினரே கொலை செய்ய திட்டமிட்டனர். பிரியங்கா அவரது பெற்றோரால் வீட்டுச் சிறையில் அடைக்கப்பட்டு சித்திரவதை செய்யப்பட்டுவரும் செய்தியை அறிந்த புதுக்கோட்டை மாவட்ட திராவிடர் விடுதலைக் கழகச் செயலாளர் கார்த்திகேயன், மதுரை மாவட்ட திராவிடர் விடுதலைக் கழகச் செயலாளர் மணிகண்டன், உடனே முகநூலில் இதைப் பதிவிட்டனர். ‘உடனே இந்தப் பெண்ணை காப்பாற்றுங்கள்’ என்று அவர்கள் பதிவிட்ட செய்தியால் மனிதநேயம் கொண்ட ஏராளமானோர் ‘ஷேர்’ செய்தவுடன் காவல்துறை நடவடிக்கை எடுக்க முன் வந்தது. அந்தப் பெண்ணை மீட்டு திருச்சியில் பெண்கள் விடுதி ஒன்றில் காவல்துறை சேர்த்திருக்கிறது. இந்த செய்தியை ‘ஜூனியர் விகடன்’ ஏடு (30.3.2016) பதிவு செய்துள்ளது. ஜூ.வி. வெளியிட்ட செய்தி:

“மத நல்லிணக்கம், சமூக ஒற்றுமை எனப் பல ஆக்கப்பூர்வமான விஷயங் களுக்காக ஃபேஸ்புக், வாட்ஸ்அப் உள்ளிட்ட சமூக வலைதளங்களைப் பலர் பயன்படுத்தி வருகிறார்கள்.

காதலுக்கு எதிர்ப்புத் தெரிவித்து, பெற்றோரால் வீட்டுச் சிறையில் அடைக்கப்பட்ட பிரியங்காவை மீட்பதற்கு சமூக வலைதளம் பயன்பட் டுள்ளது. கடந்த வாரம் ஒரு நாள், ‘அவசரம்... ஆணவப் படுகொலை செய்யப்படவிருக்கும் ஒரு பெண்ணின் உயிரைக் காக்க உதவுங்கள்’ என்று உலா வந்த தகவல் பலருக்கும் அதிர்ச்சியை ஏற்படுத்தியது. “புதுக் கோட்டை ஆலங்குடிப் பகுதி, பிரியங்கா-வினோத் இருவரும்

5 ஆண்டுகளாகக் காதலித்து வந்தனர். வினோத் ஒரு தலித். இதையறிந்த பிரியங்காவின் பெற்றோர் பிரியங் காவைக் கட்டி வைத்து கடுமையாகத் தாக்கியுள்ளனர். பிரியங்கா, அவரின் உறவினர்களால் எந்த நேரத்திலும் கொலை செய்யப்படலாம். அவரைக் காப்பாற்ற முடியாத கையறு நிலையில் வெட்கித் தலைகுனிகிறோம். புதுக்கோட்டைப் பகுதி தோழர்களே, நண்பர்களே, மனித நேயமிக்கோரே வாருங்கள். உதவுங்கள்” என்று புதுக்கோட்டை மாவட்ட திராவிடர் விடுதலைக் கழகச் செயலாளர் கார்த்திகேயனும், மதுரை மாவட்ட திராவிடர் விடுதலைக் கழகச் செயலாளர் மணிகண்டனும் தகவலை அனுப்ப, அது பல தளங்களில் ஷேர் செய்யப்பட்டது.

இதற்கு மேலும் தாமதித்தால், ஓர் ஆணவக் கொலைக்குத் துணைபோன பழிவந்து சேரும் என்று நினைத்த காவல்துறை, உடனே ஆக்ஷனில் இறங்கியது. காவல்துறையால் மீட்கப் பட்ட பிரியங்கா, திருச்சி பெண்கள் விடுதிக்கு அனுப்பப்பட்டார். தங்களின் சாதிவெறிக்கு ஃபேஸ்புக், வாட்ஸ்அப் உள்ளிட்ட சமூக வலைதளங்களை சிலர் பயன்படுத்தி வரும் வேளையில், ஓர் ஆணவக் கொலையைத் தடுத்து நிறுத்துவதற்கு சமூக வலைதளங்கள் பயன்பட்டிருக்கின்றன” என்று ஜூ.வி. செய்தி வெளியிட்டுள்ளது.

Pin It

உடுமலைப்பேட்டையில் தலித் பொறியாளர் சங்கர் சில ஜாதி வெறியர்களால் கொடூரமாகக் கொலை செய்யப் பட்டார். கொலைக் குற்றவாளியாக கைது செய்யப்பட்ட வர்களில் ஒருவர் திண்டுக்கல் இந்து மக்கள் கட்சியின் நகர செயலாளர். தமிழ் நாட்டில் தொடர்ந்து நடந்து வரும் ஜாதி ஆணவப் படுகொலைகளையும் ஜாதிய ஒடுக்கு முறைகளையும் கண்டித்து திராவிடர் விடுதலைக் கழக சார்பில் சென்னை, திருப்பூரில் காவல்துறையை முற்றுகையிடும் போராட்டத்தை கழகத் தோழர்கள் தோழமை அமைப்புகளுடன் இணைந்து நடத்தி கைதானார்கள். காவல்துறையிலேயே ஜாதி-தீண்டாமைக் குற்றங்களைத் தடுப்பதற்காகவே தனிப் பிரிவு ஒன்று இருக்கிறது. அதன் பெயர் ‘சமூகநீதி மற்றும் மனித உரிமை தனிப் பிரிவு’. இந்த அலு வலகத்தைத்தான் அதன் செயலற்றப் போக்கைக் கண்டித்து கழகம் முற்றுகை யிட்டது. கழகத்தின் போராட்டத்துக்குப் பிறகு, இத்துறையின் உயர் அதிகாரிகள் தங்கள் மவுனத்தைக் கலைத்து கருத் துகளைத் தெரிவித் துள்ளனர்.

‘தினத்தந்தி’ தமிழ் நாளேடு சென்னையில் ‘டிடி-நெக்ஸ்டு’ என்ற ஆங்கில பதிப்பையும் வெளியிட்டு வருகிறது. கடந்த 26ஆம் தேதி ஆங்கில பதிப்பு இது குறித்த செய்தியை வெளி யிட்டுள்ளது. அந்த செய்தியின் விவரம்: “அண்மையில் உடுமலைப்பேட்டை யில் மக்கள் முன் நடந்த ‘கவுரவப் படுகொலை’ நாடு முழுதும் அதிர்ச்சியை ஏற்படுத்தியது உண்மைதான். என்றாலும்கூட பல ஜாதியக் கொடுமைகள் வெளியே தெரியாமலேயே இருட்டடிப்புக்குள்ளாகி வருகின்றன.

இந்தக் குற்றங்களைத் தடுப்பதற்கும் நடவடிக்கை எடுப்பதற்கும் அமைக்கப்பட்டுள்ள சமூக நீதி மற்றும் மனித உரிமைப் பிரிவின் உயர் அதிகாரிகளுடன் இது பற்றி கேட்டோம். ஒவ்வொரு ஆண்டும் ஜாதி-தீண்டாமைக் குற்றங்களின் கீழ் 1600 வழக்குகள் பதிவு செய்யப்படுவதாக அவர்கள் தெரிவித்தனர். ஜாதியைச் சொல்லி திட்டுதல், தாக்குதல், தலித் பெண்கள் மீதான பாலியல் வன்முறை உள்ளிட்ட பல்வேறு தீண்டாமைக் குற்றங்களின் கீழ் புகார்கள் வருகின்றன. ஆனால், தமிழ்நாடு காவல்துறை ‘கவுரவக் கொலை’ எவை என்பதை தனியாகப் பிரித்துப் பார்ப்பதில்லை. எனவே இந்திய கிரிமினல் சட்டம் 302ஆவது பிரிவின் கீழ் கொலைக் குற்றமாகவே வழக்குப் பதிவு செய்யப்படுகிறது. (தமிழ்நாட்டில் ஜாதி ஆணவப் படுகொலைகளைத் தடுக்க தனிச் சட்டம் எதுவும் இல்லை என்பது குறிப்பிடத்தக்கது) இதனால் ஜாதியப் படுகொலைகள் குறித்த புகார்களை காவல்துறையின் தீண்டாமை தடுப்புப் பிரிவுக்கு காவல் நிலையங்களால் அனுப்பப்படுவது இல்லை. எங்களிடம் நேரடியாக வரும் புகார்கள் மீது நாங்கள் குற்றத்தைப் பதிவு செய்து முறையாக விசாரணைகளை நடத்தி குற்றப் பத்திரிகைகளை தாக்கல் செய்து வருகிறோம். எத்தனையோ முன்னேற்றத் திட்டங்கள் இருந்தாலும்கூட தமிழகத்தில் தலித் மக்கள் மிகவும் மோசமாக ஒடுக்கப்பட்டு வருகிறார்கள்.

உள்ளூர் காவல் நிலை யங்களிலோ மாவட்ட காவல்துறை அலுவலகங் களிலோ ஜாதிய ஒடுக்கு முறைகள் குறித்து புகார்கள் தந்தால், வழக்கைப் பதிவு செய்யாமல் காவல் துறை யினரே இரு தரப்பினரிட மும் சமரசம் பேசி வழக்கை முடித்து விடுகிறார்கள். முதல் தகவல் அறிக்கை யையே பதிவு செய்ய மறுக்கும் பல வழக்குகள் பற்றி எங்களுக்குத் தெரியும். இது குறித்து எங்களிடம் புகார்கள் வரும்போது சம்பந்தப்பட்ட காவல்நிலையங்களுக்கு உரிய நட வடிக்கை எடுக்குமாறு தாக்கீதுகளை அனுப்பி வருகிறோம்.

அண்மையில் நாகை மாவட்டம் மயிலாடுதுறை அருகே உள்ள ஒரு கிராமத்தில் (திருநாள்கொண்டசேரி) இறந்து போன ‘தலித்’ ஒருவரின் சடலத்தை இடுகாட்டுக்கு பொது வழியில் எடுத்துச் செல்லும் பிரச்சினையில காவல்துறை, ஜாதி இந்துக்களுக்கு ஆதரவாகவே செயல்பட்டது. கிராமங்களுக்கு நாங்கள் கள ஆய்வுக்கு செல்லும்போது பல கிராமங்களில் தலித் மக்கள் நடத்தப்படும் முறை சகிக்க முடியாததாகவே இருக்கிறது. அடிமைகளைப் போலவே நடத்தப்பட்டு வருகிறார்கள். பல கிராமங்களில் தேநீர்க் கடைகளில் ‘இரட்டை டம்ளர்’ முறை இருக்கிறது. பத்திரிகைகளில் செய்திகள் வந்தாலும் இந்த முறை நடைமுறையில் தொடர்ந்து கொண்டிருக்கிறது - என்று காவல்துறை உயர் அதிகாரிகள் தெரிவித்தனர்” என்று அந்த ஆங்கில நாளேடு செய்தி வெளியிட்டுள்ளது.

Pin It

வாட்ஸ்அப் ஊடகம் மூலம் செங்குட்டுவன் வாண்டையார் என்பவர் தாழ்த்தப்பட்ட மக்களுக்கு எதிராக ஒரு குறிப்பிட்ட சமூகத்தினரைத் தூண்டி விட்டு கலவரத்தை உண்டாக்கும் தீய நோக்கத்தோடும், தமிழகத்தில் சட்டம் ஒழுங்கை சீர் குலைத்து, சமூக நல்லிணக்கத்தைக் கெடுத்து ஜாதி மோதலை உருவாக்கும் முயற்சியாக பேசி வருவதற்காக அவர் மீது சட்டப்படி கடும் நடவடிக்கை எடுக்கவேண்டும் என திராவிடர் விடுதலைக் கழகத்தின் சார்பாக சென்னை காவல்துறை தலைமை அலுவலகத்தில்கடந்த 23.03.2016 அன்று புகார் மனு அளிக்கப் பட்டது.

ஜாதிவெறியர்கள் மீது சட்ட நடவடிக்கை எடுக்கவேண்டும் என புகார் மனு அளிக்கப்பட்டதைத் தொடர்ந்து சென்னை மாவட்டக் கழகச் செயலாளர் உமாபதி மற்றும் செந்தில் குனுடு ஆகியோருக்கு ஜாதி வெறியர்கள் அலைபேசி வாயிலாக கொலை மிரட்டல் விடுத்து வருகிறார்கள். வாட்ஸ் அப் கால், ஸ்கைப், நெட்கால் வாயிலாக எளிதில் கண்டுபிடிக்க இயலாத வகையில் மறைந்திருந்து கோழைத்தனமாக ஆபாசமாக பேசுவதுதான் இந்த ஜாதி வெறியர்களின் வீரம் போலும்? இது போல் ஆபாசமாகவும், கொலை மிரட்டல் விடுத்தும் பேசிவரும் ஜாதி வெறியர்கள் மீது சட்டப்படியான வழக்குகள் மூலம் கடும் நடவடிக்கைகளை எடுக்கும் வகையில் கழக வழக்கறிஞர்கள் சட்ட நடவடிக்கைகளில் ஈடுபட்டுள்ளார்கள்.

பெரியார் இயக்கம் தொடர்ந்து இந்த மண்ணில் ஜாதி ஒழிப்புப் பணியில் எவ்வித சமரசமும் இன்றி ஜாதி வெறியர்களின் பல்வேறு விதமான கடும் எதிர்ப்புகளை எதிர் கொண்டு அவற்றை முறியடித்து வந்துள்ளது. திராவிடர் விடுதலைக் கழகம் ஜாதிவெறியர்களின் எவ்வித எதிர்ப்பையும் எதிர்கொள்ள எந்த சூழலிலும் அணியமாக உள்ளது. கொலை மிரட்டல் விடுக்கும் முகம் காட்ட மறுக்கும் கோழை ஜாதி வெறியர்கள் எந்த வடிவத்தில் வந்தாலும் கழகத் தோழர்கள் அதனை எதிர்கொண்டு முறியடிக்க அணியமாகவே உள்ளனர்.

தமிழக அரசிற்கு பல்வேறு நிலை களிலும், பலமுறை இதுபோன்ற தொலை தொடர்பு ஊடகங்கள், சமூக வலைத் தளங்கள் ஆகியவற்றில் சர்வ சுதந்திரமாக எவ்வித அச்சமும் தயக்கமும் இன்றி தொடர்ந்து சட்ட விரோதமாகச் செயல்படும் ஜாதி வெறியர்கள் மீது முறையான சட்ட நடவடிக்கை எடுக்க கோரி கழகத்தின் சார்பில் தொடர்ந்து காவல்துறை, இணையதள குற்றப்பிரிவு ஆகியவற்றில் புகார் மனு அளித்தும் இதுவரை எந்தவிதமான சட்டபூர்வ நடவடிக்கைகளையும் எடுக்கவில்லை. தமிழக அரசின் இந்த மெத்தனப்போக்கே ஜாதிவெறியர்கள் நவீன ஊடகங்களை எவ்வித தயக்கமும் இன்றி தவறாக பயன்படுத்தக் காரணமாக அமைகிறது.

இனியும் தமிழக அரசு இந்த நவீன ஊடகங்களைத் தவறாகப் பயன்படுத்தி கலவரத்தை உருவாக்க முயலும் ஜாதி வெறியர்கள் மீது சட்ட நடவடிக்கை மேற்கொள்ளா விட்டால் தமிழ் நாட்டில் சட்டம் ஒழுங்கு சீர்குலைவையும், ஜாதி கலவரம் உருவாவதையும் தடுக்க இயலாது.

தமிழக அரசு இதுபோலவே தொடர்ந்து பாராமுகமாக இருக்குமே யானால் கடமை ஆற்றத் தவறும் இணையதள குற்றப்பிரிவு காவல் துறையைக் கண்டித்து தமிழகம் முழுவதும் தோழமை அமைப்புகள், ஜனநாயக சக்திகளைத் திரட்டி திராவிடர் விடுதலைக் கழகம் பெரும் போராட்டத்தை முன்னெடுக்கும் என்பதை தெரியப் படுத்திக் கொள்கிறோம்.

ஜாதி வெறியைத் தூண்டும் செங்குட்டுவன் வாண்டையார் மீது நடவடிக்கை : கழகம் காவல்துறையிடம் மனு

வாட்ஸ் அப் வழியாக சட்டவிரோதமாக ஜாதி வெறியைத் தூண்டி, கலவரத்தை உண்டாக்கும் நோக்கோடு “தலித் மக்களை தனிமை படுத்த வேண்டும்; அவர்களுக்கு தண்ணீர்கூட கொடுக்க கூடாது; வேலை கொடுக்க கூடாது; சோற்றுக்கு வழியில்லாமல் மாற்றி நடு தெருவில் நிறுத்த வேண்டும்” என்று பேசியுள்ள ஆ.சு.செங்குட்டுவன் வாண்டையார் மீது சட்டப்படி நடவடிக்கை எடுக்கவேண்டும் என திராவிடர் விடுதலைக் கழகத்தின் சார்பில் கழக தலைமை நிலையச் செயலாளர் தபசி குமரன், தலைமைச் செயலவை உறுப்பினர் அய்யனார், மாவட்ட செயலாளர் உமாபதி, மாவட்ட தலைவர் வேழவேந்தன், மாவட்ட அமைப்பாளர் பிரகாசு, செந்தில் (எப்.டி.எல்)., செந்தில் உள்ளிட்ட தோழர்கள் சென்னை டி.ஜி.பி. அலுவலகத்தில் 23.03.2016 மாலை 03.30 மணியளவில் புகார் மனு அளித்துள்ளனர்.

- திராவிடர் விடுதலைக் கழகம்

Pin It