ஈசன் பிரம்படி பட்டும்
இன்னும் திருந்தவில்லை
மதுரை.
----------------------------------------
இரண்டாவது முறையாக
எரிந்தது மதுரை.
வெண்கொற்றக்குடை
வெட்கப்படவில்லை
இப்போது.
----------------------------------------
ஆந்தைக்கு மட்டுமல்ல
ஆர்க்காட்டாரின்
புண்ணியம்
காரிருளிலும்
கண் தெரிகிறது எங்களுக்கு.
---------------------------------------------
பெயர் தான்
தாழ்தளப்பேருந்து
குறையவில்லை கட்டணம்.
-------------------------------------------------
இடைத்தேர்தல்
எடைத்தேர்தலாம். . .
எவ்வளவு
செலவழித்தோமென
பார்த்தீர்களா?
-------------------------------------------------
குண்டோதரன்
கை வைத்த
வைகையில்
கால் கூட வைக்கமுடியவில்லை.
---------------------------------------------------
வீதிகளில்
வன்முறை தாண்டவமாட
வீட்டுக்குள்ளோ
மானும், மயிலும் ஆட.
------------------------------------------------------
முக்கண் இருந்தும்
விட்டுவிட்டானே
கருவறை சேட்டையை.
---------------------------------------------------------
பணக்காரர்களைப் போலிருக்கிறார்கள்
பிச்சைக்காரர்கள்.
எப்போதும்
இல்லையென்றே கூறுகிறார்கள்.
------------------------------------------------------------
- ப.கவிதா குமார்
கீற்றில் தேட...
அண்மைப் படைப்புகள்
- ஷண்முகமும் ஒட்டவாவும்
- மோடியின் உறுதியளிப்பும், செய்த மோசடிகளும்
- 2024 நாடாளுமன்றத் தேர்தலில் பாசிச பா.ச.க.வை வீழ்த்துவோம்!
- ஊழலுக்கும் கருப்புப் பணத்திற்கும் சட்ட ஏற்பளிக்கும் மோடியின் தேர்தல் பத்திரத் திட்டம்
- இந்துக்களின் வாக்குகளை அணி திரட்டவே CAA வெளியீடு
- வங்கித் துறையை சீரழித்த மோடி அரசு
- காடு திறந்து கிடக்கிறது
- காங்கிரசை விட்டு காந்தியார் விலகுகிறாராம் - வழ வழா அறிக்கை
- தமிழ்நாடு மார்ச் 2024 இதழ் மின்னூல் வடிவில்...
- தெற்கு ஏன் மோடியை நிராகரிக்கிறது? அதற்கான முக்கியத்துவம் தான் என்ன?